LAJMI I FUNDIT:

Arsyeja më e mirë përse nuk bën të grindemi

Arsyeja më e mirë përse nuk bën të grindemi

Ndonëse shumica e ekspertëve do të thonë që është mirë të mos i mbajmë brenda nesh ndjenjat, qofshim të këndshme apo më pak të këndshme, në mënyrë që të ruajmë shëndetin tonë, një hulumtim më i ri ka treguar se grindjet e shpeshta mund t’i dyfishojnë shanset për vdekje të hershme.

Një hulumtim të tillë i botuar në Journal of Epidemilogy and Community Health’, ka studiuar lidhjet sociale të pothuajse 10 mijë femrave dhe meshkujve të moshës 36 deri 52 vjeç në Danimarkë, ka nxjerrë në pah që meshkujt janë më të rrezikuar, si edhe ata njerëz të cilët një kohë të gjatë janë të papunë, transmeton Telegrafi.

Një në dhjetë të anketuar ka thënë që partneri dhe fëmijët janë ata që kanë kërkesa më të mëdha dhe që i shkaktojnë më së shumti brenga, 6 për qind e të anketuarve ka thënë që pikërisht ato gjera ua shkakton familja e tyre, ndërsa 2 për qind e të tjerëve kanë probleme të ngjashme me miqtë.

Grindje të shpeshta me partnerët dhe me fëmijët kanë 6 për qind të të anketuarve, 2 për qind grinden me familjarët, ndërkaq vetëm 1 për qind grinden me miqtë. Gjendja shëndetësore e pjesëmarrësve në këtë hulumtim është përcjellë nga viti 2000 deri në vitin 2016. Në këtë periudhë kohore kanë vdekur 4 për qind femra dhe 6 për qind meshkuj.

Grindjet e shpeshta kanë lidhje me rrezikun dyfish deri në trefish të vdekjes nga cilido qoftë shkaktar, në krahasim me njerëzit të cilët kanë thënë se rrallë herë grinden.

Ata të cilët kanë kërkesa dhe brenga më të shpeshta të shkaktuara nga fëmijët apo partneri, së paku 50 deri 100 për qind u ekspozohen rrezikut të vdekjes.

Hulumtimi ka vënë në pah që lidhjet stresuese shoqërore, nga ato me partnerin deri te raportet me fqinjët, janë të lidhura me rrezikun nga vdekja si te meshkujt ashtu edhe te femrat të moshës së mesme, theksojnë shkencëtarët danezë.

Ekspertët thonë që meshkujt janë veçanërisht të lëndueshëm nga brenga të shkaktuara nga partnerja, me gjithë zbulimet e mëparshme kontradiktore të cilat kanë treguar që femrat janë më të ndjeshme ndaj lidhjeve shoqërore. /Telegrafi/
 

Në trend Stil

Më shumë
A e dini pse duhet të vendosni pak fletë alumini pas ruterit? Shkencëtarët garantojnë për këtë truk

A e dini pse duhet të vendosni pak fletë alumini pas ruterit? Shkencëtarët garantojnë për këtë truk

Stil
A e dini se për çfarë shërben vrima tek kapaku i kënaçes?

A e dini se për çfarë shërben vrima tek kapaku i kënaçes?

A e dini se...
Si të flisni me njerëzit në botën e përtejme: Një kujtesë e të humburve që nuk mund të harrohen

Si të flisni me njerëzit në botën e përtejme: Një kujtesë e të humburve që nuk mund të harrohen

Lifestyle
Tri shprehje të njerëzve me inteligjencë të lartë emocionale

Tri shprehje të njerëzve me inteligjencë të lartë emocionale

Lifestyle
Të drejtat dhe obligimet e trashëgimtarit në procedurën trashëgimore: Testamenti dhe gjithçka që duhet të dini

Të drejtat dhe obligimet e trashëgimtarit në procedurën trashëgimore: Testamenti dhe gjithçka që duhet të dini

Këshilla Lifestyle
Kush më parë arrin kulmin seksual, meshkujt apo femrat?

Kush më parë arrin kulmin seksual, meshkujt apo femrat?

Intimitet dhe Pasion
Kalo në kategori