Arthur Melo është ndër lojtarët e parë që do të largohet nga Juventusi gjatë afatit kalimtar të verës.
Mesfushori brazilian po kalon edhe vitin e tij të dytë në Juventus, por pa arritur të lë gjurmë.
25-vjeçari këtë edicion ka zhvilluar 31 ndeshje në të gjitha garat, kryesisht i inkuadruar nga banka rezervë pasi ka vetëm 1533 minuta të luajtura.
E ardhmja e tij është larg Juventusit pasi braziliani dëshiron një klub ku luan rregullisht.
Arsenali vazhdon të insistojë për transferimin e mesfushorit me trajnerin Mikel Arteta që e pëlqen jashtëzakonisht shumë atë.
'Topçinjtë' e kërkuan atë edhe në janar, por sipas mediave në Angli dhe Itali gjatë verës pritet të dërgojë një ofertë prej 40 milionë euro për transferimin e tij.
Mbetet të shihet nëse Arthur do ta pranojë Arsenalin, pasi Juventus është i gatshëm ta pranojë ofertë e londinezëve. /Telegrafi/
