Arsenali do të synojë të vazhdojë me fitore në sezonin e ri teksa do të përballet të hënën me Crystal Palacen.
Gunners udhëtojnë në Selhurst Park pasi kanë mposhtur Nottingham Forest në ndeshjen e tyre hapëse të edicionit 2023/24.
Ndërsa ata nuk janë në aksion këtë fundjavë, kjo i jep Arsenalit kohë për të bërë më shumë punë në tregun e transferimeve.
Arsenali thuhet se ka bërë një tentim të ri për sulmuesin e Barcelonës, Ansu Fati. Sulmuesi spanjoll duket se do të largohet nga Katalunia këtë verë pasi nuk është në planet e Xavit.
Sipas raportimeve në Spanjë, Topçinjtë kanë hapur bisedimet me përfaqësuesin e tij Jorge Mendes dhe do të ishin të interesuar ta merrnin atë në Emirates Stadium këtë verë. Fati do të ishte i hapur për t'i dhënë lamtumirën Barcelonës.
Megjithatë, Arsenali përballet me konkurrencë nga rivalët e Ligës Premier, Tottenhami. /Telegrafi/
