Arsenali po përgatitë një ofertë shokuese për Mbappen, gati ta sakrifikojnë edhe yllin e ekipit për francezin

Emri i Kylian Mbappes është më i përfoluri në afatin kalimtar veror, me sulmuesin francez që ka vendosur të largohet nga Paris Saint Germain.

Megjithatë e ardhmja e tij vazhdon të jetë ende e paqartë, edhe pse Real Madridi mbetet skuadra favorite për të nënshkruar me të.

Por edhe klubet tjera të mëdha po provojnë të nënshkruajnë me lojtarin dhe Arsenali është gati për të bërë një përpjekje të madhe.

Topçinjtë janë të gatshëm të bëjnë një ofertë shokuese në drejtim të PSG-së, por duke përfshirë edhe një yll të madh të tyre.

Lexo po ashtu PSG po planifikon të bëjë luftë ofertash në këtë afat për Mbappen

Sipas asaj që ka njoftuar ‘Football transfers’, Arsenali është gati ta sakrifikojë sulmuesin brazilian Gabriel Martinelli në çfarëdo oferte që do ta nis në drejtim të parisienëve për Mbappen.

Nuk do të ishte befasi nëse Mbappe do t’i bashkohej Topçinjve, pasi ai më parë ka deklaruar se nëse do të transferohej në Ligën Premier do të nënshkruante vetëm për Arsenalin.

Lexo po ashtu Pesë destinacionet e mundshme të Mbappes për këtë afat

Largimi i tij nga Parc de Princes është mëse i sigurt, por mbetet të shihet nëse Arsenali do të arrijë të bind PSG-në me ofertën e tyre për transferimin e francezit.

Gjithsesi gjiganti spanjoll Real Madrid mbetet favoriti kryesor për të nënshkruar me Mbappen, pasi vet francezi gjithmonë ka deklaruar se ka ëndërr të luaj për Los Blancos. /Telegrafi/