Dy persona janë arrestuar pasi kishin sulmuar fizikisht dy zyrtarë policorë të cilët i kishin shqiptuar një gjobë trafiku të dyshuarve.
Sipas raportit 24 orësh të Policisë së Kosovës bëhet e ditur se ngjarja ka ndodhur të mërkurën rreth orës 12:30 në rrugën “Bajram Bahtiri”, në Prishtinë.
Po ashtu bëhet e ditur se zyrtarët policorë kanë refuzuar tretmanin mjekësor.
“Janë arrestuar dy të dyshuar meshkuj kosovarë, pasi që kishin sulmuar fizikisht dy zyrtarë policorë, të cilët i kishin shqiptuar një gjobë trafiku të dyshuarve. Zyrtarët policor kanë refuzuar tretmanin mjekësor”, thuhet në raport.
Ndërkaq, me vendim të prokurorit të dyshuarit janë dërguar në mbajtje. /Telegrafi/
