Një 19-vjeçar është arrestuar në Prishtinë nën dyshimin se ka kryer veprën penale “grabitja”.
Sipas Policisë së Kosovës, i dyshuari me inicialet A.Sh., dyshohet se më 10 nëntor të vitit të kaluar ka kryer grabitjen në rrugën “Halil Alidemaj” në Prishtinë.
Me vendim të prokurorit të shtetit, i dyshuari është dërguar në mbajtje, ndërsa hetuesit policorë janë duke punuar për arrestimin e dy personave të tjerë të dyshuar, të cilët lidhen me të njëjtin rast.
