Arrestohen qindra kriminelë, në atë që po vlerësohet si operacioni më i madh global kundër krimit të organizuar

Agjencitë e zbatimit të ligjit thonë se kanë arrestuar qindra kriminelë në të gjithë botën në një operacion tre-vjeçar, duke përdorur një aplikacion të sigurt për mesazhe të drejtuar nga FBI amerikane.

Sipas mediave të huaja, përcjell Telegrafi, operacioni, i konceptuar bashkërisht nga Australia dhe FBI, pa aplikacionin ANOM të shpërndarë fshehurazi midis kriminelëve, duke lejuar policinë të monitoronte bisedat e tyre pa dijeninë e tyre.

Dhe kjo ka çuar në arrestime në 18 vende, përfshirë të dyshuar të lidhur me mafien dhe grupet e organizuara kriminale.

Ndërkohë bëhet e ditur se janë konfiskuar drogë, armë dhe para.

Australia tha se kishte arrestuar 224 persona si rezultat i operacionit dhe kishte vepruar në 20 “kërcënime për vrasje”, duke shpëtuar potencialisht jetën e një “numri të konsiderueshëm të kalimtarëve të pafajshëm”.

Kryeministri i vendit e quajti një operacion që kishte goditur bandat kriminale globalisht.

“[Ai] i dha një goditje të rëndë krimit të organizuar – jo vetëm në këtë vend, por një që do të jehojë rreth krimit të organizuar në të gjithë botën”, citohet të ketë thënë Scott Morrison në një konferencë për shtyp.

Zelanda e Re, e cila ndaloi 35 persona, e quajti operacionin “aksionin më të sofistikuar të zbatimit të ligjit në botë kundër krimit të organizuar deri më sot”.

FBI dhe Europol do të paraqesin më shumë detaje të martën. /Telegrafi/