Lokale dhe shtëpi private kanë qenë cak i grabitjeve të armatosura, e vjedhjeve të rënda në Republikën e Kosovës, gjatë janarit të këtij viti.
Në lidhje me disa nga rastet e ndodhura, në Prishtinë, Prizren e Gjakovë, gjatë 24 orëve të fundit, Policia e Kosovës raporton se ka arrestuar disa persona.
Në rajonin e Prishtinës, janë raportuar tri raste, dy vjedhje e rëndë, e një grabitje e armatosur.
Për grabitjen e ndodhur më 16 e 17 janar, arrestimi i të dyshuarit është bërë të martën (më 28 janar), ku janë sekuestruar një mori provash materiale.
“Lidhur me rastin me datën 28.01.2020 është arrestuar i dyshuari mashkull K/Shqiptar nga i cili si prova materiale janë sekuestruar: një veturë, një laptop dhe një telefon celular. I dyshuari pas intervistimit me vendim të prokurorit është dërguar në mbajtje”, thuhet në raport.
Ndërsa, edhe dy raste të tjera janë raportuar si vjedhje, njëri në Prishtinë e tjetri në Podujevë, ku janë vjedhur stoli ari dhe një shumë parash.
“Podujevë 28.01.2020, 21:05. Ankuesi mashkull K/Shqiptar raporton se persona të panjohur kanë depërtuar me forcë përmes dritares së shtëpisë së tij dhe kishin vjedhur stoli ari”, njofton policia.
“Prishtinë 28.01.2020-00:46. Ankuesi mashkull K/Shqiptar ka raportuar se një person i maskuar dhe nën kërcënim të armës ia ka grabitur një shumë parash dhe është larguar në drejtim të panjohur. Nuk raportohet për të lënduar”, thuhet në raport.
Vjedhje e rëndë është raportuar të ketë ndodhur edhe në Shtime, ku persona të panjohur kanë vjedhur një sasi të konsiderueshme të barnave.
“Shtime 28.01.2020 – 04:35. Ankuesi mashkull K-Shqiptar ka njoftuar se persona të panjohur me forcë kanë depërtuar në brendinë e lokalit dhe nga aty kanë arritur të vjedhin një sasi të konsiderueshme të barnave”, thuhet në raportin 24-orësh të Policisë së Kosovës.
Ndërsa, në Prizren janë arrestuar gjashtë persona për raste të ndryshme të vjedhjeve të bëra më 11 dhe 21 janar.
“Prizren 11.01.2020-23:50. Në lidhje me rastin është raportuar se me 28.01.2020 janë arrestuar tre të dyshuar, dy meshkuj dhe një femër K/Shqiptare, nën dyshimin se të njëjtit në bashkëveprim kanë kryer veprën penale. Me vendim të prokurorit janë kontrolluar shtëpitë e të dyshuarve dhe si dëshmi materiale janë konfiskuar tre telefona. Të njëjtit janë intervistuar dhe me vendim të prokurorit dy prej tyre janë liruar ndërsa i dyshuari tjetër është dërguar në mbajtje”, raporton policia.
Gjithashtu, arrestimi i tre të tjerëve të dyshuar, është bërë të martën në orët e pasdites. /Telegrafi/
“Prizren 21.01.2020-14:15. Në lidhje me rastin është raportuar se me 28.01.2020 janë identifikuar dhe janë arrestuar tre të dyshuar meshkuj K/Romë dhe të njëjtit pas intervistimit me vendim të prokurorit janë dërguar në mbajtje”, thuhet në raport.
Në lidhje me një vjedhje të rëndë në Gjakovë, rreth orës 08:00 të ditës së hënë, mbrëmë janë arrestuar dy meshkuj, njëri shqiptar e tjetri egjiptian.
“Gjakovë 27.01.2020-08:35. Në lidhje me rastin është raportuar se me 28.01.2020 janë arrestuar edhe dy të dyshuar një mashkull K-Shqiptar dhe një mashkull K-Egjiptian, nën dyshimin se të njëjtit në bashkëveprim kanë kryer veprën penale. Të njëjtit janë intervistuar dhe me vendim të prokurorit janë dërguar në mbajtje”, raporton policia. /Telegrafi/
Promo
Reklamo këtuLufta Prigozhin - Putin
Më shumëNumri i serbëve në Kosovë po zvogëlohet, por jo për shkak të “terrorit shqiptar”, Knaus: Pretendimet e tilla të Vuçiqit janë mashtrim
Gazetari britanik tregon nëse mund të ketë luftë në Kosovë dhe Bosnjë
Po kërkoheshin nga Interpoli – policia në Ferizaj sekuestron katër vetura me targa franceze
Biseda telefonike ndërmjet presidentit francez Macron dhe kryeministrit Kurti, anëtarësimi në Këshill të Evropës dhe Asociacioni i komunave me shumicë serbe
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Zgjedhjet presidenciale në Maqedoni - gjithçka që duhet të dini
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert