LAJMI I FUNDIT:

Arrestimi i zëvendësdrejtorit serb të Policisë së Kosovës, Krasniqi: Prova më e qartë e pozicionit hipokrit të Serbisë

Arrestimi i zëvendësdrejtorit serb të Policisë së Kosovës, Krasniqi: Prova më e qartë e pozicionit hipokrit të Serbisë

Ministri i Administrimit të Pushtetit Lokal, Elbert Krasniqi, ka reaguar ndaj arrestimit nga autoritetet serb në vendkalimin kufitar në Jarnjë të Zëvëndësdrejtorit të Policisë së Kosovës.

Krasniqi, ka thënë se arrestimi i zëvendësdrejtorit të Policisë,  Dejan Jankoviq dhe disa zyrtarëve të tjerë të Policisë së Kosovës nga komuniteti serb është prova më e qartë e pozicionit hipokrit të Serbisë.


“Republika e Kosovës në kuadër të drejtave të avansuara për komunitete joshumicë e ka ndër të tjera të përcaktuar që zv.drejtorin e Policisë ta ketë nga radhët e komunitetit serb”, ka shkruar Krasniqi në Facebook, transmeton Telegrafi.

Më tej ai ka thënë se “Serbia rrejshëm ankohet për të drejta të serbëve në Kosovë, ajo pikërisht arreston, maltreton e kërcënon secilin serb që shfrytëzon të drejtat e tij në Kosovë e integrohet në vendin e tij”.

“Rasti i sotëm i ndalimit nga Serbia të zv.drejtorit Jankoviq dhe disa zyrtarëve të tjerë të Policisë së Kosovës nga komuniteti serb është prova më e qartë e pozicionit hipokrit të Serbisë”, ka shkruar ai.

Në mesin e qytetarëve të bllokuar në Serbi është edhe zëvendësdrejtori i Policisë së Kosovës
Lexo po ashtu Në mesin e qytetarëve të bllokuar në Serbi është edhe zëvendësdrejtori i Policisë së Kosovës

Zëvendësdrejtori i Policisë së Kosovës i nacionalitetit serb, Dejan Jankoviq, është ndaluar nga autoritetet serbe të mërkurën, njoftoi në rrjetet sociale Jeton Zulfaj, këshilltari i kryeministrit të Kosovës, Albin Kurti.

Sipas informatave brenda institucioneve të sigurisë së Kosovës, Jankoviq – i cili vjen nga komuna e Shtërpcës – është ndaluar në pikën kufitare me Serbinë, Jarinjë, në veri të Kosovës, dhe është dërguar për intervistim në qytetin jugperëndimor të Serbisë, Rashkë.

Zulfaj tha gjithashtu se autoritetet serbe i kanë nisur “arrestimet masive” pas votimit pro Kosovës në Asamblenë Parlamentare për anëtarësim në Këshillin e Evropës dhe se po i mbajnë “peng të gjithë”.

Nadalimi i Jankoviqit vjen në të njëjtën ditë kur Ministria e Jashtme e Kosovës tha të mërkurën herët se Serbia ka ndaluar autobusë me udhëtarë nga Kosova, në kufijtë me Kroacinë dhe Hungarinë, si “shenjë hakmarrjeje ndaj mbështetjes nga Asambleja Parlamentare e Këshillit të Evropës për anëtarësimin e Kosovës në këtë organizatë”.

Por, Ministria e Punëve të Brendshme e Serbisë i ka mohuar si “të pabaza” akuzat e autoriteteve kosovare se ajo ka ndaluar autobusë me udhëtarë kosovarë në kufijtë e saj. /Telegrafi/

Në trend Lajme

Më shumë
“Provat mund të na dërgojnë diku tjetër”- Elshani flet për serbin që u arrestua për spiunazh

“Provat mund të na dërgojnë diku tjetër”- Elshani flet për serbin që u arrestua për spiunazh

Siguri
Musliu: Kryqëzimi i fuqive në Mal të Zi - ndryshimi i kursit dhe arrestimi i Gjukanoviqit

Musliu: Kryqëzimi i fuqive në Mal të Zi - ndryshimi i kursit dhe arrestimi i Gjukanoviqit

Politikë
U paralajmërua hapja e urës mbi Ibër, BE tregon procedurat

U paralajmërua hapja e urës mbi Ibër, BE tregon procedurat

Lajme
Analistët: Përplasja mes Kurtit dhe Osmanit dëmton politikën e jashtme të Kosovës

Analistët: Përplasja mes Kurtit dhe Osmanit dëmton politikën e jashtme të Kosovës

Politikë
Situata e tensionuar në Shkabaj, shoqërohet në Polici një person

Situata e tensionuar në Shkabaj, shoqërohet në Polici një person

Prishtina
Shkarkohet nënkryetarja e Zveçanit, Natasha Tomaniq

Shkarkohet nënkryetarja e Zveçanit, Natasha Tomaniq

Komunat
Kalo në kategori