Këngëtarja shqiptare, Argjentina Ramosaj, vazhdon të mbetet njëra nga më të pëlqyerat në estradën shqiptare.
Ani pse kohëve të fundit ka qenë pasive sa i përket prurjeve të reja muzikore, ajo nuk ka lënë anash postimet e ndryshme nga përditshmëria e saj.
Në një postim në rrjetin social Instagram, bukuroshja bionde ka bërë të ditur se ka gati projektin e ri, ndërsa ka ndarë imazhe nga xhirimet e klipit.
Në një pistë makinash, Argjentina është shfaqur duke mbajtur një flamur në dorë, ndërsa ka mahnitur me dukjen.
E veshur me komplete ngjyrë rozë, dukjes ajo i ka shtuar edhe makijazh, çka po e bën të duket edhe më bukur.
Derisa po paralajmëron se është duke u rikthyer në skenën muzikore, këngëtarja nuk ka dhënë detaje të tjera sa i përket këngës së re. /Telegrafi/
