LAJMI I FUNDIT:

Aprovimi i rezolutës fuqizon Kosovën në dialogun me Serbinë

Aprovimi i rezolutës fuqizon Kosovën në dialogun me Serbinë

Analisti politik Shkëlzen Maliqi ka vlerësuar se miratimi i rezolutës dhe mandatimi i ekipit negociator për bisedimet me Serbinë, përveçse tejkalon ngërçin politik, fuqizon edhe pozitën e Kosovës në procesin e dialogut.

Ai ka thënë se tani dialogu do të jetë më transparent, i kontrollueshëm dhe finalja e tij do të vuloset nga Kuvendi.

Në këtë intervistë dhënë për gazetën “Epoka e re”, Maliqi ka theksuar se me inkuadrimin në dialog PSD-ja ka ndërmarrë hapin e guximshëm për të dalë nga hija e Vetëvendosjes.

“Aprovimi i rezolutës dhe inkuadrimi i PSD-së në grupin për dialog janë akte që pas disa vjetësh tejkalojnë ngërçin dhe bllokadat që e kanë shkaktuar përçarjen në dy blloqe dhe vendnumërimin e dëmshëm në vazhdimin e proceseve të shtet- ndërtimit të Kosovës dhe fuqizimin e pozitës dhe të qëndrimeve më konsistente të Kosovës në dialogun me Serbinë si dhe sigurimin e respektit nga BE-ja, ku çarjet tona kanë shkaktuar mosliberalizimin e regjimit të vizave. Edhe pse rezoluta si dhe krijimi i ekipit për dialog janë aprovuar vonë, thuajse në moment të fundit, shpresoj se është kapur hapi. Nëse janë të sakta parashikimet që marrëveshja obliguese mes Kosovës dhe Serbisë duhet të arrihet sa më shpejt, me gjasë brenda gjashtë muajve të ardhshëm”, ka thënë Maliqi.

Kurse sa i përket mospërfshirjes së LDK-së dhe Vetëvendosjes në proces, ai ka thënë se këto dy parti nuk i kanë vlerësuar drejt prioritetet.

“LDK-ja dhe LV-ja nuk pranuan të hyjnë në ekip, por i kanë ende vendet e rezervuara. Pra, mund të reflektojnë dhe të kyçen më vonë, ndonëse kjo nuk është shumë e besueshme. Argumentet e tyre kundër nuk janë për t’u injoruar krejtësisht, sepse kërkonin që paraprakisht të bëhet reforma zgjedhore dhe të mbahen zgjedhjet e parakohshme. Por, mendoj se LDK-ja dhe LV-ja nuk i kanë vlerësuar drejt prioritetet, çka është për momentin urgjente dhe çka mund të presë. Ata e shohin procesin të përmbysur, e kanë me nguti rilegjitimimin, me shpresën se pushteti do t’u takojë atyre, kurse dialogu mund të presë, bile edhe të riformatizohet. Sidoqoftë, tani ekipi negociator është më legjitim, nuk e ka vetëm shumicën e brishtë e nxënë varur me praninë/mospraninë e Listës Serbe, kurse tani, të paktën, për dialog kemi shumicën solide të përfaqësimit”, është shprehur Maliqi.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Limaj: Nuk duhet të shkojmë në zgjedhje kur dëshiron Kurti

Limaj: Nuk duhet të shkojmë në zgjedhje kur dëshiron Kurti

Siguri
Kalo në kategori