Appathurai: Është reale anëtarësimi i Maqedonisë në NATO në vitin 2019

Zëvendës-ndihmësi i Sekretarit të Përgjithshëm të NATO-s për çështje politike dhe politikë sigurie, James Apparthurai tha se “NATO kushton shumë vëmendje politike Ballkanit Perëndimor se sa në vitet e kaluara, dhe ajo që është më e rëndësishme dhe më konkrete është politika e ‘dyerve të hapura’ që do të realizohet me pranimin e Maqedonisë pas zgjidhjes së çështjes së emrit me Greqinë”.

Në intervistën për portalin “Europian Western Ballkans”, Apparthurai deklaroi se është reale që Maqedoni të anëtarësohet në NATO me emrin e saj të rij, përcjell Telegrafi Maqedoni.

“Politika jonë është e qartë: nëse arrihet të zgjidhet problemi i emrit, mund të shkojmë përpara me procesin e anëtarësimit”, thotë Appathurai.

“Ne tashmë kemi filluar bisedime para disa muajve të sqarojmë se cilët janë problemet, në kuptimi se hapave që duhet të ndërmerren për kontributet dhe çështjet tjera teknike, por hapi politik natyrisht është marrëveshja e Prespës. Kur do të zbatohet nga të dy palët, do të vazhdojmë me procesin e anëtarësimit. Megjithatë, edhe për këtë është e nevojshme koha, dhe nuk di kur do të mbarojë.”, theksoi Appathurai për “Europian Western Ballkans”./Telegrafi/