Ardita Morina
Avokate
Qytetarë të shumtë nuk janë në dijeni të kësaj të drejte të cilën ia mundëson Legjislacioni Penal, duke menduar se çështja e tyre me të cilën ata ballafaqohen në procedurën penale, përfundon me vendim të Gjykatës Themelore si Gjykatë e Shkallës së Parë.
Ankesa është mjet i rregullt juridik ku atakohet vendimi i Gjykatës Themelore si shkallë e parë, i cili ende nuk e ka marrë formën e prerë dhe qëllimi i tij është rishqyrtimi i korrektësisë së vendimit gjyqësor para formës së tij të prerë.
Ankesa lidhur me aktgjykimin e Gjykatës Themelore si shkallë e parë është e garantuar me aktet vendore dhe ndërkombëtare me çka është e siguruar që Gjykata e Apelit si gjykatë e shkallës së dytë të verifikojë rregullsinë dhe ligjshmërinë e aktgjykimit të shkallës së parë para formës së prerë.
Kundër aktgjykimit të marrë nga gjyqtari i vetëm gjykues ose trupi gjykues i Gjykatës Themelore si Gjykatë e shkallës së parë , ankesë mund të paraqesin personat e autorizuar brenda 15 ditësh nga dita e dorëzimit të kopjes së aktgjykimit nëpërmjet Gjykatës Themelore për Gjykatën e Apelit.
Ankesa e personit të autorizuar e paraqitur brenda afatit të caktuar e pezullon ekzekutimin e aktgjykimit.
Ankesë mund të paraqesin prokurori i shtetit, i akuzuari, mbrojtësi, përfaqësuesi ligjor i të akuzuarit dhe i dëmtuari.
Prokurori i shtetit mund të paraqes ankesë në dëm dhe në dobi të akuzuarit.
Ankesa kundër aktgjykimit duhet të jetë në pajtim me Kodin e Procedurës Penale të Kosovës që përfshinë: të dhënat mbi aktgjykimin i cili ankimohet; arsyet për kundërshtimin e aktgjykimit; propozimin për anulim të tërësishëm ose të pjesshëm të aktgjykimit ose për ndryshim të tij dhe nënshkrimi i ankuesit.
Ndaj aktgjykimit mund të ushtrohet ankesë: për shkak të shkeljes esenciale të dispozitave të procedurës penale; shkeljes së ligjit penal; vërtetimit të gabueshëm ose jo të plotë të gjendjes faktike ose për shkak të vendimit lidhur me sanksionet penale; konfiskimit të dobisë pasurore të filluar me vepër penale; shpenzimeve të procedurës penale; kërkesave pasurore juridike.
Ankesa kundër aktgjykimit paraqitet në gjykatën e cila e ka nxjerrë aktgjykimin.
Kjo gjykatë ia dërgon një kopje të ankesës palëve kundërshtare, të cilat mund të paraqesin përgjigje në ankesë brenda afatit prej 8 ditëve nga pranimi i kopjes së ankesës. Kjo gjykatë e përcjellë ankesën, përgjigjen në ankesë dhe shkresat e tjera përkatëse në Gjykatën e Apelit si Gjykatë e shkallës së dytë.
Gjyqtari raportues, sipas nevojës mund të kërkojë nga Gjykata Themelore raport për shkeljen e dispozitave të procedurës penale e ndërmjet kësaj gjykate ose në ndonjë mënyrë tjetër, të vërtetojë pretendimet e ankesës lidhur me provat dhe faktet e reja ose siguron raportet dhe dokumentet e nevojshme nga organet ose nga personat të tjerë juridik.
Nëse i akuzuari është në paraburgim, gjyqtari raportues brenda afatit 5 ditësh pas pranimit të shkresave të lëndës, sipas detyrës zyrtare e shqyrton nëse ekzistojnë arsyet për mbajtje në paraburgim.
Seanca para kolegjit të Apelit
Kur të akuzuarit i është shqiptuar dënimi me burgim, njoftimi për seancën e kolegjit të apelit i dërgohet prokurorit kompetent të shtetit, të dëmtuarit, të akuzuarit dhe mbrojtësit të tij. Në qoftë se i akuzuari i cili ndodhet në paraburgim ose për mbajtje të dënimit, dëshiron të marrë pjesë në seancë, pjesëmarrja i mundësohet.
Seanca e kolegjit fillon me raportim të gjyqtarit raportues mbi faktet. Kolegji mund të kërkojë nga palët dhe mbrojtësit që të prezantojnë në seancë sqarime të nevojshme lidhur me pretendimet e tyre në ankesë.
Publiku mund të përjashtohet nga seanca e kolegjit që mbahet në prani të palëve vetëm nën kushtet e parapara me Kodin e Procedurës Penale të Kosovës.
Gjykata e Apelit në seancë të kolegjit vendos nëse do të mbaj shqyrtimin.
Shqyrtimi para Gjykatës së Apelit mbahet vetëm kur është e nevojshme që për shkak të vërtetimit të gabuar ose jo të plotë të gjendjes faktike, të marrë prova të reja ose të përsëriten provat e marra më parë dhe kur ekzistojnë shkaqe të arsyeshme që lënda të mos i kthehet Gjykatës Themelore në rigjykim.
Në shqyrtim të Gjykatës së Apelit, thirren i akuzuari dhe mbrojtësi i tij, prokurori i shtetit, i dëmtuari, përfaqësuesi ligjor dhe përfaqësuesi i autorizuar i të dëmtuarit, dëshmitarët dhe ekspertet të cilët gjykata me propozim të palëve apo sipas detyrës vendos t’i pyes.
Gjykata e Apelit në seancë të kolegjit ose në bazë të shqyrtimit:
▪ E hedhë ankesën si të paafatshme ose të palejuar;
▪ E refuzon ankesën si të pabazë dhe vërteton aktgjykimin e Gjykatës Themelore;
▪ E anulon aktgjykimin dhe çështjen ia kthen Gjykatës Themelore për rigjykim ose e ndryshon aktgjykimin e Gjykatës Themelore;
▪ Vendimi i Gjykatës së Apelit nënshkruhet nga të gjithë gjyqtarët e kolegjit;
▪ Një anëtar i kolegjit mund të jep mendim të ndarë mospajtues ose pajtues për çështjet juridike ose faktike lidhur me ankesën dhe mendimi i tillë i bashkëngjitet vendimit kryesor.
/Telegrafi/
Promo
Reklamo këtuLufta Prigozhin - Putin
Më shumëNga Rubrika
Si kultivohen gladiolat: Lulet të gjata, të cilat zbukurojnë kopshtet më të bukura
Trajneri i Taylor Swift ndan sekretet e saj të fitnesit për të ushtruar si ‘atlete profesioniste’
Bëhuni gati për një enigmë që do t’ju lodhë: A mund ta “thyeni kodin” në 25 sekonda?
Top pesë pozicionet në shtrat që femrat nuk mund t’i imagjinojnë!
A e keni ditur se për çfarë shërben pjesa metalike në letrën e sallamit, kjo video po bën xhiron në internet
Horoskopi vjetor 2024 - një kohë e fillimeve dhe mundësive të reja!
Si kultivohen gladiolat: Lulet të gjata, të cilat zbukurojnë kopshtet më të bukura
Zbulohen qytetet me erën më të mirë në Evropë. I pari është ndër më të vjetrit në botë
Rëndësia e veshjes në ambientin e punës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën