Aktorja amerikane Angelina Jolie planifikon të shesë vilën e saj në Los Angeles dhe të shpërngulet jashtë vendit, njoftoi revista People.
Mediat e përmendura raportojnë se ajo aktualisht po shqyrton disa vende. Ajo do të zhvendoset vitin tjetër, kur fëmijët e saj më të vegjël, binjakët Knox dhe Vivienne, të mbushin 18 vjeç.
Burimi deklaroi se Jolie nuk donte kurrë të jetonte përgjithmonë në Los Angeles, por se nuk kishte zgjidhje tjetër për shkak të marrëveshjes së kujdestarisë që kishte me ish-bashkëshortin e saj Brad Pitt.
"Ajo do të jetë shumë e lumtur kur të mund të largohet nga Los Angeles", shtoi ai. Aktorja tha në një intervistë me The Hollywood Reporter vitin e kaluar se donte ta bënte këtë.
Ajo bleu vilën ku jeton në vitin 2017 për plot 24.5 milionë dollarë. Më parë ajo ishte në pronësi të regjisorit ikonik Cecil B. DeMille.
Ka gjashtë dhoma gjumi, 10 banjo, një kopsht të madh me pishinë, një palestër dhe shumë më tepër. /Telegrafi/
