Android 16 është dukshëm më i sigurt dhe rezistues ndaj mashtrimeve

Google me Androidin 16 implementon funksione të reja sigurie dhe i vendos të vjetrit nën Programin e Mbrojtjes Avancuara, me qëllim që të përmirësohet siguria e pajisjeve, si dhe të mbrohen përdoruesit nga mashtruesit, veçanërisht grupet me rrezik të lartë si gazetarët dhe funksionarët e lartë.

Gjërat pozitive janë se të gjitha funksionet e sigurisë aktivizohen pasi të aktivizohet Mbrojtja e Avancuar, dhe për këtë mjafton vetëm një prekje në “butonin” e aktivizimit.

Nuk kërkohet njohuri ekspertizë në këtë fushë, dhe duhet theksuar se funksionet e sigurisë të mundësuara nuk mund të çaktivizohen lehtësisht, sepse për këtë kërkohen të dhënat e përdoruesit.

Funksionet e sigurisë që përfshijnë aplikacionet do të jenë të disponueshme vetëm për aplikacionet e Google përpara se të shpërndahen dhe për softuerin e palëve të treta.

Përdoruesit e Androidit 16 do të kenë qasje në regjistrat e sigurisë të pajisjes, të cilët nuk mund të modifikohen dhe të cilët mund të aksesohen vetëm nga përdoruesi.

Gjatë thirrjeve, sistemi bllokon aktivitetet me rrezik që mashtruesit mund t’i shfrytëzojnë lehtësisht. Për shembull, nuk do të mund të çaktivizohet Google Play Protect, as të instalohen aplikacione të pabesueshme përmes shfletuesit apo aplikacioneve për mesazhe, as të jepen leje aplikacioneve për të marrë kontrollin mbi funksionet bazë të pajisjes.

Android 16 do të përmirësojë gjithashtu sigurinë për aplikacionet bankare. Google bashkëpunon ngushtë me bankat britanike si Monzo, NatWest dhe Revolut. Gjatë një sesioni të ndarjes së ekranit, sistemi do të kërkojë nga përdoruesi të ndërpresë thirrjen kur të përpiqet të hapë një aplikacion bankar, pasi kjo është një nga mënyrat më të shpeshta që mashtruesit i marrin të dhënat e ndjeshme të përdoruesve.

Google përdor gjithashtu inteligjencën artificiale për të filtruar mesazhet e rreme dhe të padëshiruara kur përdoret aplikacioni i parazgjedhur i Google për mesazhe. AI do të zbulojë aktivitetet e dëmshme të aplikacioneve në pajisje, pasi disa prej tyre përpiqen të fshihen ose të ndryshojnë ikonat. Algoritmi i mësimit të makinerisë skanon vazhdimisht tekstet ose modelet binare për të zbuluar mundësinë e softuerëve të dëmshëm.

Funksionet e reja do të bashkëjetojnë me ato më të vjetrat, siç janë Theft Detection Lock dhe Remote Lock. /Telegrafi/