Ancelotti: Nuk është e pamundur të fitojmë Ligën e Kampionëve

Trajneri i Real Madridit, Carlo Ancelotti këmbëngul se ata mund të sfidojnë titullin e Ligës së Kampionëve këtë sezon.

Real Madridi ka arritur vetëm një nënshkrim deri më tani këtë verë, pasi kanë nënshkruar me David Alaba si lojtar i lirë pas largimit nga Bayern Munichu.

Megjithatë, trajneri Ancelotti ka besim në organikën e skuadrës së tij dhe beson se ata mund të rivalizojnë për trofeun e Ligës së së Kampionëve.

Lexo po ashtu Ancelotti: Largimi i Messit më befasoi, por Barcelona mbetet rival për titull

“Nuk është e pamundur të fitosh Ligën e Kampionëve”, ka thënë fillimisht Ancelotti në konferencë shtypi.

“Skuadrat e tjera kanë bërë nënshkrime të mëdha dhe është një treg i vështirë transferimesh. Por, ne kemi një skuadër të fortë me forcë në thellësi. Kjo skuadër mund të konkurrojë me çdo ekip në botë”.

“Nëse unë si menaxher mund të bëj që lojtarët të jenë në 100 për qind atëherë jam i sigurt që ne mund të konkurrojmë me çdo ekip”.

“Afati kalimtar mbyllet më 31 gusht dhe nuk mund ta konfirmoj se cila do të jetë skuadra përfundimtare. Do të shohim se çfarë do të ndodhë, por jam i impresionuar nga skuadra”.

Lexo po ashtu 'Gjashtë nënshkrimet' e Ancelottit për formacionin e tij titullar te Real Madridi

“Ne kemi parë një formë të mirë të lojtarëve dhe kemi pasur një para-sezon të mirë. Lojtarët kanë bërë mirë dhe kanë bërë një kombinim të mirë të formës fizike dhe punës taktike”.

“Ne po mirëpresim lojtarë të rëndësishëm si Carvajal dhe Mendy. Kemi pasur një problem të vogël me Marcelon, i cili duhet të shërohet së shpejti. Por, niveli i përgjithshëm i formës fizike është i mirë për momentin”, përfundoi italiani. /Telegrafi/