Bordi aktual, që po proklamon mundësinë e shpëtimit të Telekomit të Kosovës nga falimentimi, po konsiderohet jo profesionist dhe jo adekuat nga njohës të ekonomisë, sipas të cilëve ka qëllimin e vetëm për përmbysur tërësisht dhe shkatërruar komplet PTK-në.
Arton Demhasaj, drejtor në organizatën “Çohu” thotë për KosovaPress se nuk pritet të shpëtohet Telekomi me këtë bord aktual, për faktin e emrave në atë bord, ku pjesa më e madhe e tyre përsëri janë me të kaluar politike.
Ai ka marrë shembull kryesuesen e bordit të Telekomit, Besa Shatri-Berisha.
Sipas Arton Demhasajt, kryesuesja e bordit të Telekomit është me punë edhe në Korporatën Energjetike të Kosovës (KEK) dhe, sipas tij, një punëtore e KEK-ut nuk mund ta shpëtojë Telekomin nga bankrotimi, sepse nuk e ka kualifikimin adekuat për telekom dhe përvojën e duhur për këtë fushë.
“Jo vetëm që po emërohen njerëz politik në borde, por po emërohen dhe njerëz jo profesionist në masë të madhe, e që dy herë po ndikon që ndërmarrja të shkatërrohet. Kështu që edhe në rastin konkret (në Telekom), në momentin kur vjen një punëtore e KEK-ut, që e ka një punë atje, që nuk është punë menaxheriale dhe nuk është profesioniste çfarë po e kërkon Bordi i PTK-së, atëherë nuk mund të presim që kjo ndërmarrje të kthjellet, të zhvillohet dhe të ecë tutje… Mundem me nxjerr përfundimin se nuk është qëllimi për me shpëtuar këtë ndërmarrje, por qëllimi është me përmbysur tërësisht dhe me shkatërruar komplet”, ka theksuar Demhasaj.
Demhasaj ka thënë se në Telekom ka probleme të mëdha me kontratat, me procesin e tentim privatizimit dhe me paditë që janë bërë nëpër gjykatat e arbitrazhit.
“Tash i dimi problemet që i ka kjo ndërmarrje edhe me kontratat, me procesin e tentim privatizimit dhe me paditë që janë bërë nëpër gjykatat e arbitrazhit. Andaj, kjo është një barrë e madhe për këtë kompani, por ndoshta një bord pak më profesionist po ashtu edhe jo politik që nuk i shërben politikë dhe i shërben ndërmarrjes, ndoshta kishin me u krijuar shpresa që kjo ndërmarrje mundet me shpëtuar me një kohë më të gjatë”, deklaroi ai.
Ndërsa, edhe analisti i ekonomisë Jakup Bellaqa ka thënë për KosovaPress se Bordi aktual i Telekomit nuk e ka përgatitjen profesionale, si dhe i mungon përvoja menaxherjale paraprake për të gjetur një zgjidhje të duhur për këtë ndërmarrje publike, dikur më profitabile në vend.
“Dyshoj që mund ta shpëtoj ky Bord këtë kompani që në të kaluarën ka qenë shumë profitabile, unë vlerësoj se gjasat janë të vogla që personat jo profesionit ta shpëtojnë Telekomin, dhe nuk mund ta shpejtojnë një kompani të madhe, sepse duhet edhe politika menagjeriale të mëdha dhe strategjike. Bordi duhet të gjejë politika produktive dhe të suksesshme për të dalë nga kjo situatë”, ka thënë Bellaqa.
Këta janë anëtarët e Bordit të Telekomit:
1. Besa Shatri Berisha, kontabiliste në KEK
2. Skënder Hoti, ish-punonjës në Telekom
3. Sead Ujkani, profesor në Fakultetin e Ekonomik në UP
4. Osman Ejupi, ish kryetar i bordi të Autoritetit Kosovar të Konkurrencës dhe ish-dekan në Kolegjin Viktori
5. Suzana Andjelkoviq, ish anëtare bordi në Autoritetin e Konkurrencës dhe
6. Fidel Krasniqi, asistent mësimor në Universitetin e Prishtinës – Fakulteti i Inxhinierisë Elektrike dhe Kompjuterike, i cili ka studiuar Menaxhim në Universitetin e Prishtinës – Fakulteti i Ekonomisë.
Ky bord është emëruar në Telekom nga Qeveria e Kosovës në mars të këtij viti. Telekomi i Kosovës dhe Posta e Kosovës janë menaxhuar edhe me herët nga politika dhe jo profesionalizmi. /kp/Telegrafi/
Promo
Reklamo këtuLufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Shijo detin e krejt stinëve në “Holiday In 2”
Nagip Krasniqi shkarkohet nga pozita e kryeshefit të KEK-ut
Nga pushimet e punëtorëve e deri tek menaxhimi i inventarit - përmes AveHR mund t’i digjitalizoni Burimet Njerëzore
Saktësi, efikasitet dhe rehati - Ultratingulli revolucionar SonoMax 9
Nesër mbahet shitja e 65-të aseteve e Agjencisë Kosovare të Privatizimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert