Caktimi i datës për mbajtjen e zgjedhjeve të parakohshme, ka bërë që partitë politike të mobilizohen, duke negociuar me njëra-tjetrën për mundësi të koalicioneve, por edhe duke zyrtarizuar kandidatët e tyre për postin e kryeministrit të vendit.
Së fundi një gjë të tillë e ka bërë edhe Lidhja Demokratike e Kosovës, pas tërheqjes së Isa Mustafës, i cili deklaroi se nuk do të jetë më kandidat për kryeministër.
Kryesia e LDK-së, sot ka zyrtarizuar kandidimin e Avdullah Hotit për kryeministër.
Lidhur me këtë, analistët mendojnë se Avdullah Hoti është zëvendësimi i denjë i Isa Mustafës.
Analisti, Imer Mushkolaj në një prononcim për Telegrafin ka thënë se Hoti është një kandidat pa afera korruptive.
“Është zyrtar i LDK-së i linjës së Isa Mustafës, pra është një zëvendësim i denjë i Mustafës. Hoti nuk shquhet për dinamizëm, është i qetë dhe burokrat. Hoti ishte një kompromis ndërmjet Lutfi Hazirit dhe një kandidati jashtë LDK-së”, ka thënë Mushkolaj.
Kurse analisti tjetër, Fadil Lepaja ka theksuar se heqja dorë prej kandidimit për kryeministër nga ana e Isa Mustafës ka qenë veprim taktik i menduar mirë dhe me efekt pozitiv për të ardhmen e tij në LDK.
Duke folur për kandidimin e Hotit për kryeministër, Lepaja theksoi se Hoti nuk është kandidat joserioz, përkundrazi, ai edhe në këtë mandat qeverisës kishte treguar rezultate dhe kishte dëshmuar se di të punoj me sistem.
“Hoti si një profesionist, i cili mund të përballet me problemet ekonomike dhe financiare, mund të duket shumë më i pranueshëm dhe shumë më integrues përpara faktorit ndërkombëtarë dhe para qytetarëve të paparti. Hoti është jashtë grindjeve të brendshme për pushtet në LDK dhe njëherësh i respektuar në botën e profesionistëve të lobit ekonomik i cili është me mjaftë ndikim në LDK”, u shpreh Lepaja për Telegrafin.
Avdullah Hotit, sipas analistëve, konsiderohet si figurë e cila mundet ta rikthejë elektoratin e dikurshëm të LDK-së, të pasivizuar pas vdekjes së presidentit Rugova.
Kandidatët e tjerë për kryeministër janë Kadri Veseli nga PDK, Albin Kurti nga Vetëvendosje, dhe Ramush Haradinaj nga koalicioni AAK-Nisma. Ndryshe zgjedhjet e parakohshme do të mbahen më 11 qershor./Telegrafi/
Promo
Reklamo këtuLufta Prigozhin - Putin
Më shumëZhduket një 28-vjeçare në Ferizaj, familja kërkon ndihmën e policisë dhe qytetarëve për gjetjen e saj
DASH hedh poshtë pretendimet për Escobarin: Nuk është shkarkuar, do të emërohet në një pozitë tjetër sipas rrotacionit
Kurti publikon statistikat: Serbia po propagandon për dhunën ndaj serbëve në Kosovë
Ymeri: Mos pranimi i Kosovës në KiE është dështim i Qeverisë Kurti
Iu bë atentat në Bruksel më 28 prill, ndërron jetë Agustin Kaza - dyshohet se u vra për gjakmarrje
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'