Ambasadori i Shqipërisë në Kosovë, Qemal Minxhozi është pritur në një takim nga Kryeshefi i ndërmarrjes publike “Ibër Lepenc”, Berat Lushtaku.

Në këtë takim ambasadori Minxhozi është informuar rreth funksionimit të kësaj ndërmarrjeje, e cila e kryen aktivitetin e saj në Ujman, thuhet në njoftimin e  ambasadës shqiptare.

Ambasadori Minxhozi e informoi Lushtakun rreth energjisë alternative në Shqipëri,  e po ashtu bëri një prezantim të shkurtër rreth fuqisë energjetike të hidrocentraleve në Shqipëri.

Ai shprehu gatishmërinë për të ofruar përkrahje dhe përvojë profesionale nga Shqipëria në këtë fushë, si dhe të dy palët u angazhuan që në një të ardhme te afërt, të fillohet me shkëmbimet e përvojave reciproke. /Telegrafi/