LAJMI I FUNDIT:

Ambasadori Christian Heldt: Gjermania do ta përkrahë energjinë e ripërtërishme në Kosovë

Ambasadori Christian Heldt: Gjermania do ta përkrahë energjinë e ripërtërishme në Kosovë

Oda Ekonomike Gjermano-Kosovare (OEGJK) me përkrahjen e Qeverisë së Gjermanisë, respektivisht GIZ, Projektit për Efiçiencë të Energjisë në Kosovë (KEEP), ka lansuar të enjten Rrjetin e Bizneseve për Energji të Pastër, i cili synon nxitjen e zhvillimit të sektorit privat, promovimin e debatit publik dhe adresimin e çështjeve ligjore për energji të pastër tek institucionet publike.

Ambasadori i Gjermanisë në Kosovë, Christian Heldt, ka thënë se 60% e konsumit të energjisë në Kosovë shpenzohet nga shtëpitë e banimit, ndërsa pjesëmarrja e sektorit privat është shumë e ulët, bëhet e ditur përmes një njoftimit për medie.


Ai ka thënë se Qeveria e Gjermanisë, e ka përkrahur sektorin e energjisë në Kosovë, me fokus në energjinë e ripërtërishme dhe energjinë efiçiente dhe do të vazhdojë ta përkrahë këtë sektor.

Ambasadori Heldt ka shtuar se rikthimi i investimeve në sektorin e energjisë së ripërtërishme dhe asaj efiçiente është shumë i shpejtë, prandaj e ka inkurajuar sektorin privat që t`i kenë prioritet investimet në këtë fushë.

Ministri i Zhvillimit Ekonomik, Valdrin Lluka, ka thënë se në sektorin e energjisë së ripërtëritshme dhe energjisë efiçiente do të investohen në tri vitet e ardhshme rreth 100 milionë euro. Ai ka thënë se aktualisht janë të instaluara 77 MW/h energji e ripërtëritshme dhe janë në proces edhe 22 projekte të tjera me kapacitet 178 MW/h.

Nëpërmes Rrjetit të Bizneseve për Energji të Pastër, Oda Gjermano-Kosovare dhe GIZ-i do të shërbejnë si urë lidhëse mes sektorit publik dhe privat në Kosovë, ka thënë drejtoresha e OEGJK, Nora Hasani.

Avni Sfishta nga GIZ ka treguar për praktikat më të suksesshme të vendeve të BE-së për investime në energjinë e pastër.

Profesori i ekonomisë, Naim Gashi, ka propozuar masa fiskale, siç është përshkallëzimi i TVSH-së, për të nxitur investimin e ekonomive familjare dhe bizneseve në energji të pastër.

Aktualisht GIZ-i është duke promovuar debatin publik për Energji Efiçiente, duke përfshirë standardet dhe legjislacionin, ndërsa Oda Ekonomike Gjermano-Kosovare, si anëtare e Këshillit Kombëtar për Zhvillim Ekonomik në kuadër të Kryeministrisë si dhe Zyrës së Komunitetit për Biznese në Kuvend, mund të ofrojë inpute për promovimin e interesave të kompanive anëtare të Rrjetit.

Deri në fund të vitit, Rrjeti i Bizneseve për Energji të Pastër do të ketë edhe dy takime të tjera. Ky Rrjet do të jetë i hapur për të gjitha kompanitë të cilat dëshirojnë të kontribuojnë në zhvillimin e tregut të energjisë të pastër dhe energjisë efiçiente.

Në trend Ekonomi

Më shumë

"Holiday In Resort 2", Shëngjin - Investimi më i zgjuar që do të bëni

Edil Project
Kompania Turistike Shpejtimi ofron nisje çdo ditë në drejtim të Shëngjinit dhe Velipojës

Kompania Turistike Shpejtimi ofron nisje çdo ditë në drejtim të Shëngjinit dhe Velipojës

Kompania Turistike Shpejtimi
Lansohet Brainhero: Platforma AI që zhvillon kreativitetin e fëmijëve

Lansohet Brainhero: Platforma AI që zhvillon kreativitetin e fëmijëve

BrainHero.ai
Deri në 1 mijë euro për familje për të mbështetur instalimin e sistemit për energjinë e ripërtëritshme - hapet thirrja

Deri në 1 mijë euro për familje për të mbështetur instalimin e sistemit për energjinë e ripërtëritshme - hapet thirrja

Ekonomi
Lansohet forma e aplikimit për subvencionim të energjisë elektrike për familjet e cenueshme

Lansohet forma e aplikimit për subvencionim të energjisë elektrike për familjet e cenueshme

Ekonomi
Peci shpërndau vaksina nga ajri kundër tërbimit: Është sëmundje vdekjeprurëse që bartet nga kafsha tek njeriu

Peci shpërndau vaksina nga ajri kundër tërbimit: Është sëmundje vdekjeprurëse që bartet nga kafsha tek njeriu

Ekonomi
Kalo në kategori