Aleanca për Shqiptarët: Qendra e re klinike nuk do të jetë vetëm e LSDM-së dhe OBRM-PDUKM-së

Nëpërmjet një njoftimi të partisë opozitare shqiptare thuhet se skandalet e ministrit Venko Filipçe nuk kanë të ndaluar.

“Sot bënë thirrje për kyçje të ‘ekspertëve te OBRM-PDUKM-së në grupet punuese për ndërtimin e kompleksit të ri të Qendrës Klinike Universitare në lagjen Gjorqe Petrov në Shkup’ duke anashkaluar Aleancën për Shqiptarët dhe ekspertët e saj në këtë fushë të organizuar në Departamentin e Shëndetësisë”, thuhet në njoftimin e Aleancës për Shqiptarët, njofton Telegrafi Maqedoni.

Nga ASH shtojnë se , Qendra e re Klinike nuk do jetë vetëm e LSDM-së apo e VMRO-së, apo e kujtdo qoftë, por do jetë e çdo qytetari të Maqedonisë së Veriut, pa dallim kombësie, fetare apo çfarëdo përkatësie tjetër.

Lexo po ashtu Filipçe: Ftojmë opozitën të merr pjesë në ndërtimin e qendrës së re klinike

“. Deklaroni se “Së bashku të jemi pjesë e suksesit të këtij proekti të suksesshëm” duke e dënuar atë me dështim nga ftesa gjysmake dhe eliminim e bajpasit të shqiptarëve dhe përfaqësuesve e tyre të vërtetë, Aleanca për Shqiptarët si partia më e madhe opozitare shqiptare në Republikën e Maqedonisë së Veriut”, thuhet në njoftimin e partisë opozitare shqiptare, Aleanca për Shqiptarët./Telegrafi/