Vdekja e tragjike e Diane Keaton në moshën 79-vjeçare ka bërë që Al Pacino të reflektojë mbi keqardhjen e tij më të madhe: ai nuk e martoi kurrë aktoren, dashurinë e madhe të jetës së tij.
Pacino, 85 vjeç, dhe Keaton u takuan për herë të parë gjatë xhirimeve të “The Godfather” dhe kishin një marrëdhënie të gjatë dhe intensive nga viti 1971 deri më 1987, por ylli i “Serpico” nuk i propozoi kurrë.
Një mik i afërt tha për DailyMail se Pacino e konsideronte Diane një grua të mrekullueshme dhe e di se do të pendohet gjithmonë për mundësinë e humbur.
Edhe pse të dy jetuan në Beverly Hills për vite me radhë, ata rrallë flisnin pas ndarjes.
Keaton, fituese e çmimit Oscar për “Annie Hall”, ishte gjithashtu e njohur për rolet e saj në “First Wives Club”, “Reds” dhe bashkëpunimet me Woody Allen.
Përveç lidhjes së gjatë me Pacinon, ajo kishte pasur edhe marrëdhënie të shkurtra me Warren Beatty dhe një lidhje të gjatë me Allenin.
Pacino ka katër fëmijë nga tre gra të ndryshme dhe ka treguar gjithmonë se vendimet në jetë i merr vetë.
Për vite me radhë, ai ka thënë se, pavarësisht romancave të shumta, fëmijët e tij kanë qenë prioriteti kryesor. /Telegrafi/
