Një aksident trafiku ka ndodhur sot në magjistralen Prishtinë-Gjilan në fshatin Slivovë.

Lajmin për Telegrafin e ka konfirmuar zëdhënësi i policisë, Agron Borovci.

Borovci ka bërë të ditur se një veturë ka humbur kontrollin dhe ka dalë nga rruga, me ç ‘rast tre persona janë lënduar.

“Sot rreth orës 12:00, në fshatin Slivovë, ka ndodhë një aksident trafiku, ku një veturë e cila ishte në lëvizje, ka humbur kontrollin dhe ka dalë nga rruga. Bazuar në të dhënat e deritanishme tre persona janë lënduar dhe janë shkaktuar dëme materiale. Personat e lënduar janë dërguar për trajtim mjekësor”, ka thënë Borovci.

Ai ka shtuar se me rastin po merret njësiti i trafikut. /Telegrafi/