Dëme të mëdha janë shkaktuar në të dy makinat, por që pronarët e pasur mund t’ia dalin të paguajnë

Në pistën që ndodhet në Monza të Italisë, është shkaktuar një aksident mes Porsche 911 GT2 RS dhe Pagani Huayra BC, duke iu shkaktuar dëme të mëdha në të dy makinat e rralla dhe të shtrenjta, transmeton Telegrafi.

Kushtet atmosferike apo gjendja e pistës, nuk duket të jenë arsyet e përplasjes, meqë shoferi i Porsche, hyri shumë shpejtë në kthesë dhe humbi kontrollin, duke u aksidentuar me Huayra.

Me 690 kuaj fuqi, GT2 RS nuk kërkon që shoferi të jetë profesionist, megjithatë, duhet pasur shumë shkathtësi. Shkaku i ndonjë lëshimi të mundshëm, makina u përplas për Huayra BC që ka 745 kuaj fuqi, ndërsa është prodhuar në vetëm 40 njësi.

Të dy makinat thuhet se kanë dëmtime në pjesën e jashtme, por që nuk saktësohet se sa do të kushtojnë. Vetëm se nga ky aksident, nuk ka të lënduar dhe të dy shoferët kanë gjendje të mirë. /Telegrafi/