Ajaxi gati të bëjë çmenduri për transferimin e Bergwijn nga PSV

Steven Bergwijn është njëri nga futbollistët më të talentuar holandez.

Sulmuesi anësor ka shkëlqyer këtë edicion me fanellën kuqebardh në kampionat dhe në garat evropiane.

21-vjeçari ka shënuar 15 gola dhe ka bërë 13 asistime në 41 ndeshjet zyrtare me fanellën e gjigantit holandez.
Bergwijn po kërkohet nga skuadrat e mëdha evropiane si Bayern Munich, Milan, Inter e Arsenal.

Por garën për lojtarin duket se do ta fitojë rivali më i madh i PSV-së, Ajax Amsterdam.

Kampionët e Holandës kanë dërguar një ofertë prej 45 milionë euro në drejtim të PSV si dhe pesë të tjera në formë bonusesh për lojtarin.

PSV është në hall, pasi oferta e Ajaxit është më e lartë se e Bayernit, Interi apo Milanit.

Gjiganti holandez po hezitojë t’ia shesë yllin e saj kryesor rivalit, por në rast se ndonjëra nga skuadrat tjera nuk bënë ndonjë ofertë më të lartë, atëherë Bergwijn do t’i bashkohej Ajaxit.

Në rast se realizohet ky transferim, atëherë Bergwijn do të ishte futbollisti më i shtrenjtë që u transferua nga një skuadër holandeze. /Telegrafi/