Tani kur ka më pak se tre muaj para se të përfundoj kjo dekadë, është koha të fillon planifikimi i gjërave të mëdha për vitin 2020.

Airbnb sapo ka publikuar një listë me disa prej destinacioneve më të mira të udhëtimit për vitin e ardhshëm, transmeton Telegrafi.

Platforma ‘Airbnb’ i ka përdorur të dhënat nga sajti i vet dhe i ka parashikuar top vendet më të mira për t’i vizituar në vitin 2020.

Është e drejtë të themi se ka disa befasi në këtë listë.

Në foto: Milwaukee

Shembull, Milwaukee, që gjendet në Wisconsin, është renditur i pari në listë ku ka pasur një rritje prej 729% në rezervime përgjatë viteve.

Bilbao në Spanjë – i shpallur në vitin 2018 si Qyteti Evropian i Vitit – është renditur i dyti, me një rritje prej 402%.

Vendin e tretë e ka zënë Buriram, një provincë në verilindje të Tajlandës, me një rritje prej 383% në rezervime.

Në foto: Burirami në Tajlandë

Ndërkaq Sunbury në Australi dhe Rumania i kanë zënë vendin e katërt dhe të pestë.

Pas kësaj top 5-she, në listë gjenden edhe vende tjera si Luksemburgu, Tokio, Eugene, Vanuatu, Malindi, etj. /Telegrafi/