Kryetari i Komunës së Prishtinës, Shpend Ahmeti ka thënë se beson që vaksinat kundër COVID-19, do të arrijnë në Kosovë gjatë muajit mars të vitit 2021.

Ahmeti ka kërkuar nga qytetarët që të respektojnë masat mbrojtëse ndaj virusit, transmeton Telegrafi.

“Besoj se do të kemi vaksinat nga marsi,  atëherë do të mund të kemi sasitë e para. Vazhdoj të mendoj se është tepër e rëndësishme që qytetarët të kujdesen për vete. Virusi përhapet posaçërisht në ambiente të mbyllura”, deklaroi Ahmeti në RTV Dukagjini.

Trendi i rritjes së rasteve me coronavirus në Kosovë është duke vazhduar, ndërkaq kryeqyteti prinë me numrin më të madh të rasteve me virus.

Aktualisht, Prishtina është në zonën e kuqe, ku pas orës 19:00 ndalohet lëvizja e qytetarëve, si dhe ndalohet se funksionuari çdo aktivitet tjetër./Telegrafi/