Botë Nga Bota

Agresioni rus në Ukrainë: Kjo grua po bën luftën e saj kundër Putinit – dhe gjithçka që i nevojitet është telefoni i saj celular

Para 3 vitesh

A ka ndonjë mënyrë tjetër për të luftuar ushtrinë ruse, nëse nuk visheni me uniformë ushtarake ose nuk zotëroni një armë?

Drejtoresha e një grupi kërkimor të quajtur UA Experts mendon se ajo ka gjetur një mënyrë, e “armatosur” me një smartphone, një llogari në media sociale dhe vite të tëra trajnimi ligjor.

Ajo quhet Maria Avdeeva e cila ka ardhur me raportet e saj në Kharkiv, qyteti i sulmuar ukrainas vetëm rreth 30 kilometra nga kufiri rus, përcjell Telegrafi.

Ajo poston përditësime nga ndërtesat e bombarduara brenda dhe përreth qendrës së qytetit, shpesh ndërsa predhat dhe raketat që vijnë jehojnë rreth saj.

“Unë dola sot për të marrë pak ushqim dhe pastaj bombardimet filluan përsëri,… dhe u fsheha në këtë ndërtesë që në fakt ka qenë një qendër biznesi”, kishte thënë ajo ditë më parë, përkatësisht më 18 mars.

From the early morning Kharkiv is under heavy shelling. Thousands were forced to flee the city, leaving their homes and lives behind. Putin calls this protection of the Russian-speakers. Leave us alone, get out of my city. pic.twitter.com/RE9SAqRqpK

— Maria Avdeeva (@maria_avdv) March 18, 2022

Në video, Maria ecën në shkallët e një ndërtese të shekullit të 19-të përpara se të zbulojë një zyrë të shkatërruar me tavolina, karrige dhe kompjuterë të mbuluar me pluhur dhe copa xhami.

Avdeeva ka shkuar në luftë me Vladimir Putinin me një objektiv strategjik në mendje.

Ajo është e vendosur të dokumentojë bombardimin e Kharkiv, duke ditur se shkatërrimi do të mohohet nga qeveria ruse dhe mediat e saj të kontrolluara nga shteti.

Avdeeva ka fituar ndjekës të shumtë në Twitter me këtë projekt raportimi, duke ofruar fakte dhe komente në një qytet ku kanë ikur gjysmë milioni ose më shumë njerëz.

“Dikush duhet të jetë aktiv në këtë fushëbetejë informacioni, për të treguar të vërtetën, çfarë po ndodh në të vërtetë”, tha ajo në rrugët e goditura të Kharkiv.

“Sepse kjo fushëbetejë informacioni është e së njëjtës rëndësi si operacionet ushtarake në terren”.

Zonja Avdeeva “na dërgon” në periferinë veriore të qytetit, vetëm disa kilometra nga linja që ndan trupat ruse dhe ukrainase, shkruan Sky News, përcjell Telegrafi.

Një kompleks rezidencial që i shërbente stafit në një objekt akademik aty pranë, Instituti i Fizikës dhe Teknologjisë, ishte shkatërruar pjesërisht.

Rusët akuzojnë shkencëtarët aty se punojnë në armë bërthamore dhe biologjike, dhe forcat ruse që gjuajtën me raketa një ndërtesë në vend disa ditë më parë.

Në sulmin e fundit, tre apartamente u shkatërruan.

Ndërsa zonja Avdeeva përfundoi raportin e saj, një predhë artilerie në hyrje bëri jehonë në të gjithë lagjen.

“Ne nuk kemi njerëz të tjerë që vijnë këtu për të luftuar për ne, vetëm ne luftojmë për Ukrainën, ne kërkojmë ndihmë nga Perëndimi, por në terren, do të jemi vetëm ne dhe nëse të gjithë ikim, kush do të luftojë për Ukrainën?”, ka shtruar pyetjen ajo. /Telegrafi/