Agjenti Joao Santos: Jorginho mund të shkojë te katër apo pesë klube në Serie A

Agjenti i Jorginhos, Joao Santos ka konfirmuar se rikthimi në Serie A është një ëndërr për mesfushorin e Chelseat, duke specifikuar se ai mund të shkojë te njëri nga klubet e mëdha, ndërkohë që kishte bisedime të mëparshme me PSG-në dhe Barcelonën.

Lojtari i lindur në Brazil u transferua në Itali për të qenë pjesë e akademisë së të rinjve të Hellas Verona dhe gjeti famë te Napoli përpara se të ndiqte trajnerin Maurizio Sarri te Chelsea.

Ai ka fituar trofe të shumtë me Blutë, duke përfshirë Ligën e Kampionëve dhe Kupën e Botës për Klube, por kontrata e tij do të skadojë në qershor 2023 dhe ka pasur raportime në rritje që Juventusi do të tentojë një rikthim gjatë verës.

Lexo po ashtu Edhe Jorginho pritet t'i bashkohet Juventusit nga Chelsea

“Të luajë në Serie A është një ëndërr për të dhe zemra e tij mbetet këtu. Siç qëndrojnë gjërat sot, ai mund të luajë për katër ose pesë klube: Milan, Inter, Juve, Roma ose Napoli”, ka thënë fillimisht Santos për Tuttomercatoweb.

Thashethemet e fundit kanë qenë të gjitha rreth Juventusit, të cilët po kërkojnë të rinovojnë mesfushën e tyre pas një sezoni zhgënjyes, me Arthur Melo që ka të ngjarë të zëvendësohet.

“Ka shumë klube të interesuara për të. Në të kaluarën kam folur me PSG-në, Barcelonën dhe gjithashtu Ricky Massara të Milanit. Megjithatë, nuk e di nëse kuqezinjtë janë ende të interesuar”.

Lexo po ashtu Chelsea e gatshme të shesë Jorginhon

“Fakti mbetet, ne nuk mund të bëjmë asgjë tani sepse Chelsea nuk lejohet të shesë, blejë apo rinovojë kontratat. Jorginho ka një kontratë deri në qershor 2023, pas Kupës së Botës do të shohim të punojmë për një rinovim”, përfundoi agjenti i lojtarit.

Pasuritë e Chelseat janë ngrirë si pjesë e sanksioneve të vendosura ndaj oligarkut rus Roman Abramovich. /Telegrafi/

Ag.Jorginho: “Sogna il ritorno in Italia. Oggi può giocare in 4/5 squadre: Milan, Inter, Juve, Roma o Napoli” https://t.co/5jIl5Shhgw

— MilanNews.it (@MilanNewsit) March 23, 2022