Një pilot u lëndua kur një aeroplan i vogël preu linja të tensionit të lartë dhe u rrëzua me kokë poshtë në parkingun e një dyqani O’Reilly Auto Parts në Pacoima, në San Fernando Valley të Kalifornisë.
Pas rrëzimit, disa qytetarë që ndodheshin aty pranë vrapuan menjëherë për të ndihmuar 72-vjeçarin të dilte nga rrënojat.
Videoja e momentit tregon aeroplanin duke goditur linjën e tensionit të lartë para se të rrëzohej, gjë që shkaktoi edhe ndërprerje të energjisë elektrike në zonë.
Disa biznese dhe banesa u evakuuan për arsye sigurie, raportojnë mediat amerikane.
Shërbimet e emergjencës raportuan se piloti u gjet jashtë aeroplanit dhe u transportua në spital, ku ndodhet në gjendje kritike. Ai ishte i vetmi person në bord.
Ndryshe, hetimet për shkakun e saktë të rrëzimit janë ende në zhvillim. /Telegrafi/
