Kompania ajrore sllovene Adria Airways ka pezulluar përkohësisht të gjitha fluturimet për datat 24 dhe 25 shtator.
Siç njofton kompania, të gjitha fluturimet janë anuluar për të martën dhe të mërkurën, por mbet e paqartë se çfarë do të ndodhë me fluturimet pas kësaj periudhe.
Adria Airways thotë se mungesa e fondeve e ka detyruar atë të marrë këtë vendim.
Bisedimet në lidhje me një investim për të shpëtuar kompaninë kishin dështuar.
“Adria Airways është duke kërkuar intensivisht zgjidhje në bashkëpunim me investitorët e mundshëm. Qëllimi i të gjithëve është që Adria Airways të fluturojë përsëri dhe se ndërprerja e operimeve është me të vërtetë e përkohshme. Kompania ka shprehur keqardhje e thellë për situatën dhe kërkon falje nga të gjithë pasagjerët dhe partnerët e saj”, thuhet në njoftimin e kompanisë, përcjell Telegrafi.
Kompania u privatizua në vitin 2016 dhe ishte blerë nga AA International Holding, një degë plotësisht në pronësi të fondit të kthimit me qendër në Mynih 4K Invest, i cili që nga ajo kohë është akuzuar për keqmenaxhim të kompanisë.
Qeveria Sllovene më parë tha se po kërkonte të modifikojë legjislacionin e vendit për aviacionin, i cili do t’i mundësonte asaj të subvencionojë një numër të zgjedhur të linjave që operoheshin nga Adria.
“Shqetësimi ynë kryesor për momentin është të sigurojmë siguri maksimale të operimit ajror në vend. Përgjegjësia jonë është të sigurojmë lidhjen e Sllovenisë me botën e jashtme, kështu që ne kemi përgatitur një propozim që, nëse është e nevojshme, mundëson subvencione për disa linja ajrore. Ky është një proces i ndërlikuar dhe kërkon shumë kohë, i cili duhet të aprovohet nga Komisioni Evropian”, tha Ministria Sllovene për Infrastrukturë.
Në anën tjetër, punëtorët e Adria Airways lëshuan një letër emocionuese lidhur me këtë çështje.
“Ka 558 prej nesh, secili me fytyrë, emër dhe historinë e vet. Si çdo ditë, ne sigurohemi që aeroplanët tanë të sjellin udhëtarët në destinacionin e tyre të sigurt. Ne nuk jemi vetëm pilotët dhe shoqëruesit e fluturimit, jemi gjithashtu qendra e operimit, shërbimet tokësore, departamenti tregtar, qendrat e thirrjeve, shërbimet mbështetëse. Secili prej nesh është një lidhje kryesore në këtë zinxhir të përgjegjësisë dhe besimit dhe askush nuk është vetëm. Sidoqoftë, për ne, Adria Airways nuk është vetëm se është detyra jonë. Nuk është vetëm një kompani e ndezur në kopertinat e gazetave dhe një markë blu dhe jeshile. Është gjithashtu jeta jonë. Jeta e familjeve tona janë ndërthurur përgjithmonë me Adria Airways. Për shumë njerëz, Adria Airways është një anëtar i familjes”, shkruan ata.
Dje, një nga operatorët më të mëdhenj të pushimeve dhe linjës ajrore në Britani të Madhe, Thomas Cook, ka pushuar së funksionuari. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre