Kur adoleshenti kanadez Max Werenka, 13-vjeç në Revelstouk në British Columbia, zbuloi veturën e fundosur në fund të liqenit Griffin, as që kishte menduar se kjo do ta ndihmojë policinë ta zgjidh rastin që i mundoi për më shumë se 27 vite.

Werenka në ato momente gjendej në liqen në një thellësi prej mbi 4 metra, kur vërejti diçka që i ngjante me një veturë që mund të jetë rrokullisur në ujë, transmeton Telegrafi.

Ai menjëherë i telefonoi policisë me ç’rast i dërgoi në vend të ngjarjes, e më pas u rikthye në ujë në ujë duke filmuar me kamerën e tij GoPro atë që kishte gjetur.

Pasi që ishte konfirmuar se bëhej fjalë për veturën e fundosur, tre ditë më vonë është shfaqur ekipi i zhytësve të policisë, që mbetën të habitur kur gjetën trupin e pajetë të 69-vjeçares, Janet Farris nga Vankuveri e cila ishte zhdukur 27 vite më parë.

“I kemi dërguar me barkën tonë, u kemi treguar vendin e saktë”, ka deklaruar Werenka për CTV News.

Kështu zhytësit arritën të nxjerrin targën e veturës me ç’rast u konstatua se vetura i përkiste Janet Farris, që ishte zhdukur në vitin 1992 derisa me veturë ishte nisur në një dasmë në Alberta.

Në anën tjetër, policia nuk beson se bëhet fjalë për ndonjë krim, por që ajo mund të ketë humbur kontrollin mbi timonin pasi kishte goditur një kafshë.

“Kur dëgjuam se dikush ishte në veturë, zemra më është ndalur për pak sekonda”, ka deklaruar e ëma e Max, Nancy werenka.

Policia kanadeze ka falënderuar adoleshentin për shkak të zgjuarsisë së treguar dhe për faktin që ka luajtur rolin e “detektivit”, dhe falë tij kanë zgjedhur rastin që kishte përfunduar në “dollap”.E familja e gruas së zhdukur me në fund ndihet më e qetë. /Telegrafi/