Dy adoleshentë kanë pasur fat të pazakontë gjatë një takimi me një polic në natën e ndërrimit të moteve në qytetin Ridgeland të SHBA-ve.

Dyshja po ecnin në një parking me ç’rast takuan policin dhe menjëherë nxorën revolet “ajrore”, transmeton Telegrafi.

Por, ata duhet ta konsiderojnë veten me fat, pasi që polici kishte vlerësuar mirë situatën dhe kështu takimi i tyre nuk kishin përfundim fatal. Komandanti i policisë John Nill, ka deklaruar për mediat amerikane se si vetëm një lëvizje e gabuar e të rinjve ka mundur t’ju kushtojë me jetë.

Për fat të mirë polici nuk i ka qëlluar adoleshentët, megjithatë të dy kanë përfunduar në paraburgim. Ndërkaq, sipas komandantit të policisë, vendime të tilla duhet të merren brenda pak sekonda të cilat edhe përcaktojnë epilogun e ngjarjes.

Nill ka porositur këta dy të rinj që çdo mëngjes kur të zgjohen nga gjumi, ta falënderojnë Zotin që kanë hasur në një polic të tillë që ka vlerësuar mirë situatën. /Telegrafi/