Abonentët e Twitter Blue mund të bëjnë postime deri në 4,000 karaktere

Twitter ka lansuar një veçori, që iu jep abonentëve Blue në SHBA mundësinë për të postuar deri në 4,000 karaktere menjëherë.

Nëse dikush që ndiqni përdor këtë veçori, tweet-i në vijën tuaj kohore do të ketë një buton “shfaq më shumë” për ta mbajtur atë që të mos marrë të gjithë ekranin tuaj, transmeton Telegrafi.

Aktualisht, ka disa kufizime në funksion (përveç atij të madh që është pas një muri pagesash). Nëse tweet-i juaj është mbi 280 karaktere standarde, nuk mund ta ruani si draft ose ta planifikoni për më vonë. Megjithatë, shumica e veçorive të tjera normale duhet të funksionojnë si zakonisht – ju mund të shtoni hashtags ose fotografi, dhe abonentët jo-Blu do të jenë ende në gjendje të ndërveprojnë me postimet si zakonisht.

need more than 280 characters to express yourself?

we know that lots of you do… and while we love a good thread, sometimes you just want to Tweet everything all at once. we get that.

so we’re introducing longer Tweets! you’re gonna want to check this out. tap this 👉… https://t.co/lge9udRzLE

— Twitter Blue (@TwitterBlue) February 8, 2023

Abonentët blu do të kenë gjithashtu mundësinë për të cituar retweet dhe përgjigje me 4000 karaktere.

Elon Musk ka premtuar tweete më të gjata për një kohë, duke thënë se kompania po punonte gjithashtu për të futur aftësinë për të shtuar formatimin në postime, të tilla si fjalët e theksuara ose ndryshimi i madhësisë së shkronjave.

Kjo nuk është hera e parë që Twitter ka zgjeruar gjatësinë e postimeve në faqen e saj. Kufiri aktual prej 280 karakteresh u prezantua në vitin 2017, duke zëvendësuar kufirin e mëparshëm prej 140 karakteresh. /Telegrafi/