Kryetari i Lidhjes Demokratike të Kosovës (LDK), Lumir Abdixhiku deklaroi se qëllimi i shuarjes së trungut familjar të Jasharajve, një çerekshekulli më parë, ishte qëllim i shuarjes së vet popullit shqiptar në Kosovë. Sipas tij, qëndresa e Jasharajve ishte rilindje e jona kombëtare.
Gjatë fjalimit në seancën për nder të Epopesë së UÇK-së në Kuvendin e Kosovës, Abdixhiku u shpreh se rënia në altarin e lirisë së Adem, Hamëz e Shaban Jasharit dhe 56 anëtarëve të tjerë të familjes Jashari nuk ishte vetëm një histori sakrifice por edhe një thirrje nacionale për përmbushjen e një rrugëtimi që s’mund të ndalej më.
“Të kujtosh e shënosh Epopenë e UÇK-së, do të thotë të kujtosh e shënosh vet fondamentin e shtetit të Kosovës dhe përpjekjes sonë kolektive për liri. Do të thotë të kujtosh e shënosh gjithë sakrificën, qëndresën e vet kushtrimin e popullit të Kosovës të reflektuar në një familje të vetme, atë që sot na qëndron si tempull pelegrinazhi për brezat e rinj, e që një çerekshekulli më parë na qëndronte si thirrje e rrugës sonë finale drejt lirisë. Qëndresa e tyre përballë forcave të shumta ushtarake e policore serbe ishte zgjim i përbrendshëm për fatin tonë kombëtar, të shkruar tashmë nga një sakrificë që s’mund të kapërcehej asnjëherë”, deklaroi Abdixhiku.
Kreu i LDK-së shtoi se qëndresa e sakrifica e Jasharajave u shndërrua në thirrje që u dëgjua jo vetëm nga djemtë e vajzat e Ushtrisë Çlirimtare të Kosovës por edhe nga e gjithë bota.
“Ajo u bë motiv i djemve e vajzave të Ushtrisë Çlirimtare të Kosovës, që në rreshtimin më të madh historik të vendit, u sakrifikuan në vet themelin e shtetit tonë të ri. Komandanti i rënë i tyre, kishte lënë ndjekës që do t’i ndërtonin historitë më të bukura të vendit tonë. Kjo thirrje e tyre u dëgjua dhe nëpër botë, mes aleatëve tanë, që në orët tona më të rënda, na u gjinden në krah. Sepse Adem Jashari, familja e tij, siç dhe thoshte Presidenti Rugova, po mbronin pragun e shtëpisë’, vijoi ai.
Abdixhiku u shpreh se thirrja e Jasharajve vjen si rikujtim i përditshëm i obligimit për vendin pasi shteti është trashëgimi e burrave dhe grave më të mëdhenj të vendit.
“Thirrja e Jasharajve, vazhdon të dëgjohet edhe sot. Ajo na kumbon edhe sot, në këtë sallë e në këtë seancë. Ajo na vjen si rikujtim i përditshëm i obligimit tonë për vendin, barrën e trashëguar nga të tjerët para nesh e trashëgiminë e domosdoshme që duhet ta lëmë tek të tjerët. Ajo na vjen si thirrje për përbashkim të brendshëm, për atdhedashuri të pashtershme, e për angazhim të mbarë e të drejtë në çdo veprim tonin. Këtë liri, këtë shtet, të ardhmen si mundësi, e kemi si trashëgimi të shenjtë dhe të shtrenjtë, të ndërtuar nga burrat e gratë më të mëdhenj të kohës”, tha Abdixhiku.
Ai tha se qëndresa e Jasharajve ishte rilindja e jonë kombëtare dhe që duhet të mbajë vendin në rrugë të drejtë.
“I nderuari baci Rifat, sot në Prekaz më tha që dhimbjen e keni kapërcyer por qëllimi i shuarjes së trungut tuaj familjar, një çerekshekulli më parë, ishte qëllim i shuarjes së vet popullit shqiptar në Kosovë. Qëndresa e juaj atëherë, ishte rilindje e jona kombëtare. Rilindja e juaj sot, mes brezave të rinj pasardhës të Jasharajve, është qëndresë e jona që na mbanë në rrugën përpara”, përfundoi ai.
Abdixhiku në përvjetorin e 25-të të Epopesë së UÇK-së kujtoi e nderoi të gjithë të rënët e lirisë si dhe familjarët e të rënëve si dhe invalidët e luftës. /KP/
Promo
Reklamo këtuLufta Prigozhin - Putin
Më shumëNga Rubrika
Gjendja shëndetësore e 20-vjeçarit që u ther me thikë në Ferizaj është stabile
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Dita e dytë e fushatës për zgjedhjet kuvendare, politikanët kërkojnë vota edhe në diasporë
Serwer tregon se pse Serbia i frikësohet anëtarësimit të Kosovës në Këshillin e Evropës
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Arrestimet e qytetarëve të Kosovës në kufi, analistët në Beograd: Serbia ka prekur fundin moral e politik
Një muaj paraburgim për shqiptarin nga Kosova të arrestuar në Serbi
Kosovari i arrestuar në kufi, Serbia pretendon se ishte pjesë e luftës, mohon OVL-UÇK
“Të ngrehi zhag”, deklarata e bashkëshortes së Riza Muratit, e cila e ka denoncuar kapitenin e policisë për dhunë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel