LAJMI I FUNDIT:

Abazoviq në Parlamentin Evropian: Ballkani Perëndimor mund të bëhet Ukraina e re

Abazoviq në Parlamentin Evropian: Ballkani Perëndimor mund të bëhet Ukraina e re

Ballkani Perëndimor mund të bëhet Ukraina e re brenda pak vitesh.

Kështu ka deklaruar kryeministri i Malit të Zi, Dritan Abazoviq, i cili ka mbajtur një fjalim para deputetëve në Parlamentin Evropian, pas një numri të madh të takimeve.

“Rajoni ka nevojë për viza pozitive dhe për të parë që dyert e BE-së janë të hapura për vendet që meritojnë të jenë pjesë e Unionit. Ne nuk duhet ta shikojmë Ballkanin Perëndimor si një vrimë të zezë në Evropë. Duhet ta dini se nëse qëndrojmë jashtë Evropës, Ballkani do të bëhet Ukraina e re pas disa vitesh. Nuk vesoj se dikush e dëshiron këtë në Bashkimin Evropian”, tha ai.

Abazoviq theksoi se Evropa është në një fazë të re për shkak të agresionit ushtarak rus në Ukrainë dhe se është e nevojshme të merren vendime të shpejta dhe të zgjuara.

Ndërkohë, ai tha se qeveria e re është formuar me një mesazh të qartë dhe synim për të ecur më shpejt në integrimet evropiane.

“Unë mendoj se këto janë momente historike jo vetëm për Malin e Zi, por për të gjithë Evropën. Pas 24 shkurtit (fillimi i pushtimit rus të Ukrainës) bota është ndryshe dhe më shumë se kurrë njerëzit në Mal të Zi, rajon dhe Evropë e kuptojnë se ne duhet të jemi bashkë”, pohoi 36-vjeçari.

I pari i qeverisë malazeze tha se vendi i tij do të monitorojë pronat e manjatëve rusë, si dhe të njerëzve që vijnë në Mal të Zi nga Rusia.

Abazoviq tha gjithashtu se qëllimi i Qeverisë është që fokusi nga temat negative, si nacionalizmi dhe përçarjet, të zhvendoset në ato që realisht shqetësojnë qytetarët. /Telegrafi/

Në trend Botë

Më shumë
Si “doli” lufta jashtë kufijve të Ukrainës?

Si “doli” lufta jashtë kufijve të Ukrainës?

Botë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Hezbollahu lëshon

Hezbollahu lëshon "raketa të rënda luftarake" drejt veriut të Izraelit

Botë
Zelensky rendit “synimet e Rusisë, pas Ukrainës”, përmend edhe Gjermaninë

Zelensky rendit “synimet e Rusisë, pas Ukrainës”, përmend edhe Gjermaninë

Botë
Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Botë
Kalo në kategori