LAJMI I FUNDIT:

​AAK dyshon për korrupsion në MI, Berisha: Ftojmë prokurorinë dhe hetuesinë që të fillojnë hetimet për katër kontrata të dyshimta

​AAK dyshon për korrupsion në MI, Berisha: Ftojmë prokurorinë dhe hetuesinë që të fillojnë hetimet për katër kontrata të dyshimta

Aleanca për Ardhmërinë e Kosovës (AAK) ka ftuar të premten Prokurorinë e Shtetit të nis hetimet për katër kontrata publike kornizë të nënshkruara nga Ministria e Infrastrukturës për siç thuhet mirëmbajtje të autostradave, në këtë rast për autostradat “Arbën Xhaferi” dhe “Ibrahim Rugova”.

Deputeti nga Aleanca për Ardhmërinë e Kosovës (AAK), Bekë Berisha në një konferencë për media ka thënë se vlera e këtyre kontratave të dyshimta për korrupsion është mbi 400 mijë euro, të nënshkruara nga zëvendësministri Hysen Durmishi dhe nga zyrtari përgjegjës i prokurimit në Ministri të Infrastrukturës, Nexhat Krasniqi.

“Janë diku katër kontrata në vlerë prej mbi 400 mijë euro të nënshkruara nga drejtori i Departamentit për Prokurim Publik, i cili është shkarkuar nga ministri i këtij dikasteri, Aliu. Dhe i njëjti për të dëshmuar se është i shkarkuar e ka ankesën në Këshillin e Pavarur për Shërbimin Civil. Prandaj, ftojmë prokurorinë dhe hetuesinë që të fillojnë hetime të menjëhershme, sepse këto që po themi janë të argumentuara me kontrata kornizë, që janë nënshkruar nga njeriu i larguar nga puna, nga zëvendësministri Durmishi. Kontratat i kam këtu, do t’i bëj publike”, theksoi Berisha.

Deputeti Berisha tha se dëshiron t’ia bëjë me dije edhe kryeministrit Albin Kurti, se siç tha ai, zyrtarët qeveritarë po e shkelin ligjin dhe janë të dyshuar për korrupsion lidhur me këto kontrata.

Berisha: ‘Meshqit’ e Albin Kurtit po e shkelin ligjin, ka dyshime për hajni të pastër

“Unë sot jam zgjuar si lodhshëm pak, sepse jemi lodhur diçka ne ‘meshqit’ (meshkujt), por e ftoj edhe Albin Kurtin me i treguar se meshkujt e tij janë shumë aktiv, por duke shkelur ligjin, sepse ka dyshime që është hajni e pastër. Janë ankes-kontrata të mirëmbajtjes, ose kontrata kornizë të mirëmbajtjes. Janë këtu katër kontrata”, theksoi ai.

Të katër kontratat kornizë të prokurimit nga Ministria e Infrastrukturës, të cilat u bën publike të premten nga GP i AAK-së, janë të firmosura me operatorët ekonomikë më 25 korrik 2022./KP

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Kalo në kategori