Komisioni Qendror i Zgjedhjeve (KQZ) ka vendosur që më 21 prill të mbahet votimi për shkarkim të kryetarëve në katër komunat në veri, në Leposaviq, Zveçan, Zubin-Potok dhe Mitrovicë të Veriut.
Kjo u bë e ditur në mbledhjen e Komisionit Qendror të Zgjedhjeve.
Burim Ahmetaj, kryeshef i Sekretariatit të KQZ-së i bëri të ditur të dhënat për katër komunat në veri lidhur me nënshkrimet, gjegjësisht peticionet.
Ai njoftoi se nga peticioni i organizuar në komunën e Leposaviqit, KQZ ka pranuar për verifikim listën me 3,030 nënshkrime të plotësuara në 304 faqe.
Sipas tij, pas krahasimit me të dhënat e listës së votuesve e bazuar në numrin personal, rezulton se 2,905 nënshkrues të peticionit janë qytetarë të Kosovës me të drejtë vote në këtë komunë.
“Pra, numri i përgjithshëm i votuesve në komunën e Leposaviqit është 13,441 votues, ku 20 për qind e votuesve për këtë komunë i bie të jenë 2,689 votues…andaj këto nënshkrime përbëjnë 20% të votuesve në këtë komunë”, ka thënë ai.
Ndërkaq, nga raporti i verifikimit të peticionit nga Zubin Potokut, sipas shkresës së pranuar nga kryesuesi i Kuvendit komunal lista përmban 1,576 nënshkrime të plotësuara në 158 faqe.
Sipas Ahmetajt, pas krahasimit me të dhënat e listës votuese rezulton se 1,380 nënshkrues të peticionit janë qytetarë të Kosovës me të drejtë vote në këtë komunë.
Ai më tej njofton se numri i përgjithshëm i votuesve në këtë komunë është 6,732 votues, ndërsa 1,347 votues përbëjnë 20% të listës votuese.
Sipas tij, këto nënshkrime të mbledhura përbëjnë 20% të votuesve në këtë komunë, ka theksuar Ahmetaj.
Kryeshefi i Sekretariatit të KQZ-së, Burim Ahmetaj më tej tha se edhe nga peticioni i organizuar në komunën e Zveçanit, KQZ ka pranuar për verifikim listën me 1,834 nënshkrime të plotësuara në 185 faqe.
Pas krahasimit me të dhënat e listës votuese në këtë komunë 1,714 nënshkrues të peticionit janë qytetarë të Kosovës me të drejtë vote në këtë komunë.
Sipas tij, numri i përgjithshëm i votuesve në këtë komunë është 7,052 votues, ku 20 për qind e votues i bie të jenë 1,411 votues që përbëjnë 20% të listës votuese.
Ai po ashtu njoftoi edhe për të dhënat nga veriu i Mitrovicës.
Ahmetaj theksoi se KQZ ka pranuar për verifikim listën me 4,148 nënshkrime të plotësuara në 423 faqe.
Pas krahasimit me të dhënat e listës votuese rezulton se 3,653 nënshkrues të peticionit janë qytetarë të Kosovës me të drejtë vote në këtë komunë.
Numri i votuesve në këtë komunë është 18,199 votues, ku 3,640 votues përbëjnë 20% të listës votuese.
Nënshkrimet e mbledhura përbëjnë 20% të votuesve në këtë komunë, tha ai.
“Marr parasysh kohën e nevojshme për përgatitjen procedurale dhe organizmin teknik Sekretariati i Komisionit Qendror të Zgjedhjeve konsideron se koha më e përshtatshme për organizmin e procesit të votimit mund të jetë data 21 prill 2024 për të cilin nevojitet vendim për caktimin e kësaj date si datë për mbajtjen e procesit të votimit për largimin e kryetarëve”, tha Ahmetaj.
KQZ më pas me 8 vota për dhe 2 abstenim miratoi datën 21 prill për votim për shkarkim të kryetarëve në veri. /Telegrafi/
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Anëtarësimi i Kosovës në KiE dhe çështja e Asociacionit - si e parasheh Tahiri procesin në Komitetin e Ministrave?
Reshjet e shiut vështirësojnë komunikacionin në magjistralen Prishtinë - Ferizaj, Policia apelon për kujdes gjatë vozitjes
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Vdes një grua në Repartin e Gjinekologjisë në Prizren
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City