Kryesuesi i seancës konstituive, Adem Mikullovci ka caktuar vazhdimin e seancës për datën 10 gusht në orën 10:00.

Ky vendim i Mikullovcit vjen pas caktimit të një takimi konsultativ me partitë politike që është paralajmëruar për të mërkurën.

Lëvizja Vetëvendosje ka bërë me dije se nuk do të marrë pjesë në këtë takim, derisa PAN është koalicioni që kërkon me këmbëngulje një marrëveshje mes partive se kur duhet të thirret seanca e radhës.

Ndryshe, Albulena Haxhiu nga Vetëvendosje ka thënë se bllokuesit duhet t’i kthehen seancave në Kuvend.

“Për t’i hapur rrugë krijimit të Qeverisë, konstituimi i Kuvendi duhet të bëhet sa më parë”, shkruan Haxhiu.