Klubi gjerman, RB Leipzig ka konfirmuar emërimin e Jesse Marsch si menaxherin e tyre të ri, pas largimit të Julien Nagelsmann në Bayern Munchen.
Nagelsmann u largua nga Leipzig për rivalët e Bundesligës, Bayern Munich në fillim të kësaj jave.
Klubi gjerman nuk qëndroi duarkryq dhe shpejt gjeti zëvendësimin e Nagelsmann tek klubi i tyre simotër, Red Bull Salzburg.
Bëhet fjalë për trajnerin Jesse Marsch, i cili tani do ta marrë drejtimin e klubit gjerman.
Trajneri amerikan, Marsch do të lëvizë për të marrë drejtimin e Leipzig, pjesë e stafit të klubeve të Red Bull së bashku me Salzburg.
“Jesse Marsch do të bëhet trajneri ynë i ri nga sezoni 2021/22! Ai merr detyrën nga Julian Nagelsmann , i cili po bashkohet me FC Bayern”, thuhet në njoftimin e klubit gjerman. /Telegrafi/
