Zyrtare: Gerhard Progni dhe Fiton Hajdari vazhdojnë kontratat me Gjilanin

Gjilani ka rinovuar kontratat edhe me dy nga futbollistët kryesor të skuadrës, Gerhard Progni dhe Fiton Hajdari.

Klubi gjilanas arriti të sigurojë daljen në para-kualifikueset e Ligës së Evropës, pasi mbylli sezonin në vendin e dytë në Superligën e Kosovës.

Ky sukses ka bërë që drejtuesit e Gjilanit, përveç transferimeve të reja, të mendojnë edhe për blindimin e yjeve kryesore të skuadrës.

Lexo po ashtu Zyrtare: Gjilani transferon portierin Enea Koliçi

Kështu, “Skifterat” kanë njoftuar rinovimin e kontratës me dy sulmuesit kryesor të skuadrës, Progni dhe Hajdari.

Postimi pa ndërhyrje i Gjilanit:

KOMUNIKATË ZYRTARE:

Sport Club “Gjilani” njofton se ka arritur marrëveshje për të zgjatur bashkëpunimin me sulmuesin Gerhard Progni edhe për një vit, si dhe me futbollistin Fiton Hajdari edhe për dy vite.

SC Gjilani konfirmon kështu të gjithë futbollistët e repartit sulmues edhe për edicionin e radhës, pasi që futbollistët Tomislav Busiç dhe Keita Razak gjithashtu janë të lidhur me klubin edhe për një vit tjetër.

Duke qenë sulmi i ekipit ishte më efikasi në gjithë Superligën e Kosovës në edicionin e fundit me 61 gola, drejtuesit e klubit janë angazhuar për t’i siguruar gjithë futbollistët e këtij reparti edhe për edicionet e radhës.

/Telegrafi/