Sulmuesi kosovar, Besart Berisha ka marrë leje nga FIFA që të luaj për Përfaqësuesen e Kosovës.
Ish-anëtari i Kombëtares së Shqipërisë ka bërë kërkesë muaj më parë që t’i bashkohet Përfaqësueses së Kosovës.
Lajmin e ka konfirmuar për Telegrafin, trajneri i Përfaqësueses së Kosvoës, Albert Bunjaku.
“Ka qenë proces më i gjatë për Besart Berishën por e rëndësishme është që ka ardhur leja për të”.
“Besarti nuk do të na bashkëngjitet kësaj radhe por ai do të jetë i gatshëm pas muajit janari”.
“Më saktësisht Berisha do të grumbullohet në mars kur do të ndeshemi me Islandën”, ka deklaruar Bunjaku për Telegrafin.
Ndërkohë trajneri i Kosovës i cili ka bërë një punë jashtëzakonisht të madhe për t’i sjellë lojtarët nga shtetet tjera ka treguar se lista zyrtare do të shpallet më 7 nëntor.
Kosova do ta zhvilloi takimin me Turqinë më 12 nëntor në Antalia. /Telegrafi/
