Ministri i Infrastrukturës, Lutfi Zharku, me bashkëpunëtorë dhe kryetari i Komunës së Lipjanit, Imri Ahmeti, përuruan fillimin e punimeve për asfaltimin e rrugës Gadime e Epërme-Smallushë-Sllovi në komunën e Lipjanit.
Ministri Zharku falënderoi kryetarin Ahmeti dhe banorët e kësaj zone për mirëkpritje dhe i siguroi ata se Ministria e Infrastrukturës do të vazhdojë të investojë projekte të tjera këtë vit dhe vitin e ardhshëm në përmirësimin e infrastrukturës lokale të komunës së Lipjanit.
“Kryetar, fillimisht të falënderoj për ftesën që më keni bërë për të vizituar këtë zonë dhe së bashku me të gjithë këta bashkëqytetarë tuaj të bëjë përurimin e fillimit të punimeve në këtë rrugë të një rëndësise së posaçme për banorët e Smallushës, Gadimes së Epërme edhe të Sllovisë. Ky investim është në vlerë rreth 440 mijë euro dhe gjatësia e rrugës është 5 kilometra. Përveç kësaj, ju e dini se tanimë jemi në procedura të prokurimit për fillimin e projekteve tjera infrastrukturore në komunën e Lipjanit, që do të vazhdojnë me rehabilitimin e rrugës Lipjan-Magurë, dy rrethrrotullimeve që janë shumë të rëndësishme, rrethrrotullimi i Janjevës dhe ai te Burgu i Lipjanit. Në anën tjetër, ne bashkërisht kemi biseduar që vitin e ardhshëm të përfshihen edhe disa projekte të tjera në përputhje me prioritetet që i keni ju si
Komunë dhe që po bëhen në bashkëpunim me të gjithë qytetarët tuaj. Unë ju falënderoj për projektet që po i bashkëfinancojmë. Ne po kontribuojmë në rregullimin e infrastrukturës lokale. Jam i bindur se një infrastrukturë shumë më e mirë po mundëson zhvillim ekonomik më të mirë dhe natyrisht zhvillim të bujqësisë. Ju falënderoj edhe njëherë për këtë pritje të mirë”, theksoi ministri Zharku.
Ndërsa, kryetari Ahmeti falënderoi ministrin Zharku për mbështetjen e madhe në përmirësimin e infrastrukturës lokale në komunën e Lipjanit.
“Po e asfaltojmë një rrugë të një rëndësie shumë të madhe, sepse kjo rrugë lidh disa fshatra me shumë banorë. Banorët e Sllovisë dhe Gadimes nuk do të kenë nevojë të dalin në rrugën magjistrale, por ata do ta kenë mundësinë përmes kësaj rruge të qarkullojnë, e cila lidh një pjesë të madhe të popullatës, diku rreth 20 mijë banorë të këtij rajoni. Unë e falënderoj ministrin Zharku edhe në emrin tuaj, që gjeti mundësi financiare për të filluar ndërtimin e kësaj rruge. Besoj se do të jetë një arterie e mirë e rrugës dhe në perspektivë do të ndikojë shumë në zhvillimin e kësaj zone. Faleminderit shumë Ministër dhe posaçërisht i falënderoj banorët e kësaj zone për bashkëpunimin e madh të dhënë në realizimin e këtij projekti”, theksoi kryetari Ahmeti.
Ky investim i Ministrisë së Infrastrukturës ka një gjatësi prej 5 kilometrash, ndërsa vlera e realizimit të tij është 439,916.54 euro.
Ministria e Infrastrukturës do të investojë edhe projekte të tjera kapitale në këtë komunë, siç janë: rruga Lipjan-Magurë, disa rrethrrotullime në Lipjan dhe një arterie e re që lidh qytetin e Lipjanit me magjistralen Prishtinë–Hani i Elezit, që do të fillojë së realizuari në fillim të vitit 2017. /Telegrafi/
Promo
Reklamo këtuLufta Prigozhin - Putin
Më shumëNga qershori Aeroportit të Prishtinës i shtohet edhe një linjë e re fluturimi
Një epokë e re e transformimit digjital: IPKO prezanton pakot PRIMA dhe aplikacionin IPKO TV
Relaksim në përjetësi, me “Holiday In 2” t’gjitha i ki
Respekti dhe vlerësimi i punëtorëve refletojnë në suksesin e Emona Center
Fito udhëtim në çift me IP Petrol!
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe