Këshilli i Sigurimit i OKB-së, ka zgjatur mandatin e një paneli që po heton sulmet kimike në Siri edhe për dy javë të tjera, duke mundësuar edhe një afat për të negociuar renovimin një vjeçar të hetimit.
Këshilli njëzëri mbështeti Rezolutën e SHBA-së për zgjatjen e hetimeve deri më 18 nëntor, duke i dhënë kohë rreth asaj që paraqitet si përplasja më e madhe për gjetjet e fundit të panelit se regjimi sirian ka kryer tri sulme kimike ne fshatra më 2014 dhe 2015.
Rusia ka mohuar gjetjet si “jo të bindshme” dhe tha se nuk mund të vendosen sanksione ndaj Sirisë për sulmet me gazin klorin.
Por, Britania, Franca dhe SHBA-ja kërkojnë sanksione dhe kanë theksuar se rezolutat e OKB-së qartë ofrojnë dëshmi për veprime të tilla si përgjigje ndaj përdorimit të armëve kimike.
Ambasadori britanik në OKB, Matthew Rycroft tha se Këshilli duhet ta “bëjë të qartë se kujtdo që është përfshirë në përdorimin kriminal të armëve kimike në Siri i mohohet imuniteti dhe do të përballet me drejtësinë”, transmeton Evropa e Lirë.
Ambasadori i Francës në OKB, Franocis Delattre, tha se dy javë zgjatje ishte vetëm hapi i parë.
“Siç e dimë të gjithë, ka shumë raste të tjera të përdorimit të armëve kimike në Siri. Dhe prandaj është shumë kritike për të kaluar rinovimin njëvjeçar”, tha ai.
Këshilli i Sigurimit krijoi një mekanizëm të përbashkët të hetimeve në gusht të vitit 2015 për të përcaktuar se kush qëndronte prapa sulmeve me klorin dhe përdorim të bombave.
Përdorimi i klorinës si armë është i ndaluar me Konventën për Armët Kimike, të cilës Siria iu bashku në vitin 2013 pas presioneve nga Rusia, një aleate e Presidentit Bashar al Assad.
Ambasadori rus në OKB, Vitaly Churkin, tha se hetuesit duhet të autorizohen që të dëshmojnë “terrorizmin kimik” nga të gjitha grupet e armatosura dhe misioni I tyre duhet të zgjatet edhe në Irakun fqinj.
Paneli tashmë ka përfunduar se grupi militant Shteti Islamik ka përdorur gazin helmues si armë në Siri në gusht të vitit 2015. IS gjithashtu kontrollon pjesë të territorit në Irak, ku ka njoftime se ka përdorur gazin ndaj trupave kurde.
Por zëvendësambasadori i SHBA-së, Michael Sison ka kundërshtuar çfarëdo zgjerimi të mandatit të panelit, duke thënë se “do të ishte shpërqendrim i madh” nga misioni i tij.
Hetimi “u bë në Siri për arsye specifike – për të zgjidhur se kush ishte përfshirë – dhe për arsyen se duhet të mbetet I përqendruar në Siri”, tha Sison. /REL/
Lufta Prigozhin - Putin
Më shumëNga Rubrika
Pamjet që pretendohet se shfaqin vështirësitë që kishin forcat izraelite të eliminonin militantët e Hamasit, pa dëmtuar ushtarët e IDF-së
Gjeorgjia tronditet nga përplasjet për projektligjin e ‘agjentit të huaj’
Por paralajmëronte qytetarët për rrezikun e stuhisë, prapa shpinës së kryetares të qytetit brazilian shembet ura
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
DASH i zhgënjyer me propozimet për qeverinë e re të Serbisë, Vuçiq thotë se atë "e zgjedhin qytetarët"
Shtetasi turk iu vërsul me thikë policëve izraelitë në Jerusalem, qëllohet për vdekje – publikohen pamjet e momentit rrëqethës
Ministri i Jashtëm i Bosnjës e Hercegovinës i reagon Gjuriqit, thotë se e ka keqcituar: Ke gënjyer Marko
Protestuesit palestinez ndjekin diplomatët e BE-së nga muzeu në Ramallah
Rusia humb kontrollin e ishullit kyç
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës