LAJMI I FUNDIT:

Zëvendëskryeministri që shpenzoi më shumë derivate se kryeministri (Video)

Zëvendëskryeministri që shpenzoi më shumë derivate se kryeministri (Video)

Qeveria e Kosovës e cila udhëhiqet nga Ramush Haradinaj ka pesë zëvendëskryeministra, e që përveç stafit dhe shpenzimeve të tjera këta shpenzojnë edhe derivate të naftës.

Telegrafi pas kërkesës për qasje në dokumente publike në Zyrën e Kryeministrit ka siguruar shpenzimet për derivate të naftës për zëvendëskryeministrat Enver Hoxhaj, Fatmir Limaj dhe Dardan Gashi, derisa nuk ka marr përgjigje për shpenzimet e zëvendëskryeministrit Behgjet Pacolli, ndërsa për zëvendëskryeministrin Dalibor Jevtiq kanë premtuar se do të kthejnë gjatë javes.

Kampion në shpenzimin e derivateve sa i përket zëvendëskryeministrave është Enver Hoxhaj i cili përveç kolegëve të tij, me shpenzime ia ka kaluar edhe shefit të tij, në Qeveri, Ramush Haradinaj i cili kishte shpenzuar 1313.05 litra derivate në vlerë prej 1330 euro.


Zëvendëskryeministri Enver Hoxhaj nga marrja e postit më 9 shtator e deri më 31 dhjetor 2017, ka shpenzuar 1544 euro vetëm për derivate.

“Në shtator ka shpenzuar 262 litra, në tetor ka shpenzuar 566.05 litra, në nëntor ka shpenzuar 512.03 litra dhe në muajin dhjetor 2017, ka shpenzuar 458 litra derivate. Në total ka shpenzuar 1523.08 litra derivate në vlerë prej 1544 euro”, është thënë në përgjigjet e Zyrës së Kryeministrit pas kërkesës së Telegrafit për qasje në dokumente publike.

Kurse zëvendëskryeministri Fatmir Limaj ka shpenzuar më pak se sa Hoxhaj. Ai nga marrja e postit të zëvendëskryeministrit e deri më 31 dhjetor ka shpenzuar për derivate të veturës zyrtare 1177 euro.

“Në shtator ka shpenzuar 138 litra derivate, në tetor ka shpenzuar 110 litra, në nëntor ka shpenzuar 350 litra derivate ndërkaq në dhjetor 2017 ka shpenzuar 458 litra derivate. Në total ka shpenzuar 1056 litra derivate në vlerë prej 1177 euro”, bënë të ditur Zyra e Kryeministrit të Kosovës.

Sa ka shpenzuar kryeministri Haradinaj për derivate (Dokument-Video)
Lexo po ashtu Sa ka shpenzuar kryeministri Haradinaj për derivate (Dokument-Video)

Ndërkaq, zëvendëskryeministri Dardan Gashi, nga shtatori e deri në dhjetor 2017, ka shpenzuar për derivate mbi 787 euro.

“Bazuar në faturat e pranuara, këto janë shpenzimet e derivateve nga ministri i Diasporës dhe Investimeve Strategjike: Në muajin tetor janë shpenzuar 239 litra, në vlerë 247 euro, nëntor 332 litra, 343.25 euro, dhjetor 188 litra, 197.37 euro në total ka shpenzuar 759 litra derivate “, është thënë në përgjigjet për Telegrafin të Sabrie Grainca, zyrtare e komunikimit me publikun dhe e lekturimit në Ministrinë e Diasporës dhe Investimeve Strategjike. /Telegrafi/

Në trend Ekonomi

Më shumë
Propozimi për rritje të çmimit të rrymës prej 15 për qind, ZRrE ofron mundësi për komente dhe sugjerime

Propozimi për rritje të çmimit të rrymës prej 15 për qind, ZRrE ofron mundësi për komente dhe sugjerime

Ekonomi
Reagon Bajrami: Qytetarët do të paguajnë 15% më shumë për faturat e energjisë elektrike nga 1 prilli

Reagon Bajrami: Qytetarët do të paguajnë 15% më shumë për faturat e energjisë elektrike nga 1 prilli

Ekonomi
Një epokë e artë për argëtimin: Fundway dhe BALFIN Group bashkojnë forcat për të sfiduar kufijtë!

Një epokë e artë për argëtimin: Fundway dhe BALFIN Group bashkojnë forcat për të sfiduar kufijtë!

Ekonomi
Wiz Khalifa i pasionuar pas tepihut të punuar nga kompania kosovare ZiuuRugs

Wiz Khalifa i pasionuar pas tepihut të punuar nga kompania kosovare ZiuuRugs

Ekonomi
Revolucioni i pijes energjike - GO+ Mystery fiton vëmendjen ndërkombëtare

Revolucioni i pijes energjike - GO+ Mystery fiton vëmendjen ndërkombëtare

Ekonomi
Zbuloni rrezet e kursimeve - Konsultime FALAS për panelet solare me Muqa Solar!

Zbuloni rrezet e kursimeve - Konsultime FALAS për panelet solare me Muqa Solar!

Ekonomi
Kalo në kategori