Goditja me shuplakë e Will Smith ndaj Chris Rock në “Oscars”, la audiencën dhe shikuesit në shtëpi të shokuar.
Por, kjo nuk është hera e parë që ylli i filmit dhe nga aktori i humorit kanë një mosmarrëveshje.
Në fakt, mes dyshes kanë lindur hatërmbetje gjatë pesë viteve të fundit falë batutave të përsëritura të bëra në 'kurriz' të Will.
Kur udhëhoqi “Oscars” në vitin 2016, Chris u fut në telashe me aktorin kur përdori gruan e Will, Jada Pinkett Smith, si material shaka në monologun e tij hapës.
Në një hapje, Chris u tall me Jada, me të cilën ai ka punuar në filmat e animuar “Madagascar”, për bojkotimin e “Oscars” kur Will nuk arriti të nominohej për filmin “Concussion”.
“Jada u zemërua, tha se nuk do të vinte. Jada të bojkotojë Oscars është si unë të bojkotoj brekët e Rihannës. Unë nuk isha i ftuar”, tha Chris, shkruan DailyMail.
“Ti zemërohesh. Nuk është e drejtë që Will ishte kaq i mirë dhe nuk u nominua. Gjithashtu nuk është e drejtë që Will u pagua 20 milionë dollarë për Wild Wild West”, kishte thënë ai.
Por sulmet nga Chris nuk u ndalën me kaq. Duke i shtuar më shumë zjarr, në vitin 2018 komediani postoi një koment të diskutueshëm në lidhje me aktorin në mediat sociale për martesën e tij të mëparshme.
Will kishte postuar një foto duke i uruar ditëlindjen ish-bashkëshortes së tij, Sheree Zampino dhe Chris postoi një koment që u bë virale atë kohë.
“Uau. Ju keni një grua shumë të kuptueshme”, kishte shkruar Chris në urimin e Will për ish-partneren.
Ky koment u bë kryetituj në media, duke pasur parasysh se Chris ishte talluar me Jada dhe Will gjatë “Oscars” në 2016.
Megjithatë, të dielën mbrëma (27 mars), dukej se Will më në fund kishte duruar mjaftueshëm pasi Chris bëri një shaka sërish për prerjen e flokëve të rruar të Jadës.
Jada është shprehur e hapur për luftën e saj me rënien e flokëve për shkak të alopecisë. Në dhjetor ajo postoi një video ku shihej pa flokë.
'Tani në këtë pikë, unë mund vetëm të qesh. E dini që kam luftuar me alopecinë dhe krejt papritur një ditë, shikoni këtë linjë pikërisht këtu”, tha ajo në klipin në Instagram.
Menjëherë pas momentit tronditës të dielën, një burim i tha Us Weekly se Chris përsëriti fjalimin e tij pa përmendur Jada. Burimi shtoi se Will nuk ishte i pranishëm në prova.
Gjatë ndarjes së çmimeve “Oscars” të së dielës, Will, dukshëm emocionues, u kthye në ndenjësen e tij pasi goditi Chris-in dhe bërtiti: 'Mbaje emrin e gruas sime larg nga goja jote’.
Pas incidentit, Will dhe Jada thuhet se kanë mbajtur duart gjatë gjithë ceremonisë.
Marrëdhënia e hapur e çiftit ka qenë një çështje e diskutueshme, pasi ka ndezur një bisedë kaotike në ngjarje të ndryshme të mbushura me yje dhe ka bërë që aktori të insistojë se 'kurrë nuk ka patur pabesi' në martesën e tyre. /Telegrafi/
