Kryeministri në largim holandez, Mark Rutte ka ka mirëpritur presidenti ukrainas, Volodymyr Zelensky në Eindhoven.
Ai deklaroi se Holanda po e shqyrton mundësinë e dërgimit të aeroplanëve luftarakë F-16 në Ukrainë.
Megjithatë, ai nuk ka deklaruar se sa do t’i sigurojë apo kur do t’i dërgojë, raporton skynews.
Holanda aktualisht ka në dispozicion 24 aeroplanë F-16, të cilët do të hiqen prej qarkullimit deri në mesin e vitit 2024.
https://twitter.com/MinPres/status/1693213646124437870
Takimi vjen pasi Shtetet e Bashkuara miratuan dërgimin e aeroplanëve luftarakë F-16 në Ukrainë nga Holanda dhe Danimarka.
Ai u pa si një nxitje e madhe për Kievin, edhe pse aeroplanët luftarakë nuk do të kenë një ndikim së shpejti në luftën pothuajse 18-mujore.
Ndryshe, Zelensky vizitoi dje Suedinë ku filloi diskutimet për marrjen e aeroplanëve luftarakë Gripen, krenaria e shtetit suedez. /Telegrafi/
