Zelensky mund ta shkarkojë Vitali Klitschkon prej postit të kryetarit të Kievit

Presidenti ukrainas, Volodymyr Zelensky mund ta shkarkojë prej pozitës së kryetarit të Kievit, Vitali Klitschkon pas një dështimi fatal kur u bombardua një strehimore.

Tre persona u vranë pasi ata nuk ishin në gjendje të hynin në një strehimore gjatë një sulmi ajror rus më 1 qershor, duke nxitur një inspektim që zbuloi se gjysma e strehimoreve të Kievit ishin të mbyllura ose të papërshtatshme për përdorim.

Lexo po ashtu Konfirmohet vrasja e gjeneralit të parë rus në vitin 2023

Ministri i Industrisë, Oleksandr Kamyshin, po konsiderohet si pasues i kampionit të boksit në kreun e kryeqytetit ukrainas, raporton skynews.

Anëtarët e ekipit të Klitschkos i thanë faqes së lajmeve Ukraina Pravda se “nuk ishin të informuar” për ndonjë shkarkim.

Klitschko më parë pranoi se mbante njëfarë përgjegjësie për incidentin në strehimore, por tha se edhe të tjerët ishin gjithashtu fajtorë, veçanërisht aleatët e presidentit që ishin emëruar për të udhëhequr rrethet e qytetit.

Burime pranë Zelenskyt thanë se nuk ishte marrë asnjë vendim përfundimtar për shkarkimin e tij. /Telegrafi/