Drejtori ekzekutiv i Odës Ekonomike Amerikane në Kosovë, Arian Zeka në një intervistë për Telegrafin ka thënë se pandemia e COVID-19 ka shkaktuar mjaftë telashe në operimin e bizneseve, sidomos të sektorit privat.
Ai thotë se pas vendosjes së gjendjes emergjente në vend deri më tani 40 për qind e bizneseve e kanë ndërprerë në tërësi aktivitetin e tyre ekonomik.
Zeka tregon Pakoja Emergjente Fiskale është e mirë se ardhur për biznesin, por sipas tij, ka vonesa në ekzekutimin e saj.
“Jo vetëm ne si Odë Ekonomike Amerikane por edhe odat e tjera ekonomike ka në shprehur shqetësimin e tyre, jo vetëm për sa i përket shumës së Pakos Emergjente Fiskale, duke e pasur parasysh se ajo reflekton në buxhetin e vendit, por duke e ditur se ajo nuk mund t’i mbuloj të gjitha dëmet që u janë shkaktuar bizneseve. Pakoja është e mirë se ardhur, vonesa në zbatimin e saj, konkretisht në ekzekutimin e mjeteve, është shqetësuese gjendja ashtu siç është shqetësuese edhe shumë e të gjitha masave. Është e rëndësishme që mjetet të afektohen në këto ndërmarrje të goditura”, tregon Zeka.
Ai shton se të gjitha ndërmarrjet janë ndikuar në mënyrë jo të drejtpërdrejt nga kjo pandemi.
“Në ditët e para bizneset janë ballafaquar kryesisht me paqartësinë me vendimet e qeverisë, nga ana tjetër edhe pse është bërë korrigjimi kjo ka ndikuar në operacionet e biznesit dhe natyrisht një pjesë e madhe e bizneseve janë detyruar të mbyllen me vendimin e Qeverisë së Kosovës. Ajo çka është shqetësuese se të gjitha ndërmarrjet janë afektuar në mënyrë indirekte. Sipas një ankete të organizuar nga pesë oda ekonomike, del se 40 për qind e bizneseve e kanë ndërprerë në tërësi aktivitetin e tyre ekonomik, kurse pjesa tjetër është e rrezikuar, ose punojnë me kapacitetet të reduktuara, apo me orë të shkurtuara ose një pjesë e tyre i kanë aranzhuar punët e tyre të kryhen nga shtëpia”, shton ai.
Zeka thotë se duhet të hartohet një plan për rikuperimin e ekonomisë së vendit pas kalimit të pandemisë.
“Kur do që përfundon pandemia, atëherë kalojmë dhe flasim për zbatimin e një programi më të madh të rikuperimit, shuma e së cilës duhet të jetë më e madhe se sa që është kjo e Pakos Emergjente Fiskale dhe gjithçka do të varet nga vlerësimi i dëmeve reale që i ka shkaktuar edhe ndërmarrjeve të sektorit privat por edhe ekonomisë së vendit në përgjithësi. Pra, gjithçka do të varet nga kohëzgjatja e pandemisë”, tha Zeka.
Po ashtu, drejtori ekzekutiv i OEAK-ut në këtë intervistë ka folur edhe për informalitetin dhe rënien ekonomike të vendit në këtë kohë të pandemisë. /Telegrafi/
Promo
Reklamo këtuLufta Prigozhin - Putin
Më shumëPo zhvillohet ngjarja e Bitcoinit që ndodh një herë në katër vjet
Kush është vajza biznesmene që po pushton tregun muzikor?
3, 2, 1 - Volvo gati për ty!
Sa afër jemi nga kryerja e pagesave me kriptovaluta
Kosova përfiton 90 milionë euro nga Banka Botërore
24 orë na ndajnë nga ngjarja e madhe Halving në Bitcoin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel