Zbulohet lojtari që do të jetë fytyra e PSG-së pas largimit të Mbappes në verë

Kylian Mbappe do të largohet nga Paris Saint Germain gjatë afatit kalimtar të verës, pasi kontrata e tij me parisienët skadon më 30 qershor.

Ylli francez është pjesë e kryeqytetasve francezë që nga vera e vitit 2017 kur iu bashkua nga Monaco për një shumë prej 180 milionë eurove.

E pas largimit të Mbappes, PSG ka vendosur që fytyra e ardhshme e klubit apo lojtari që klubi do të identifikohet në të ardhmen të jetë Xavi Simons.

Mesfushori ofensivë holandez aktualisht është i huazuar te RB Leipzig dhe po shkëlqen me fanellën e klubit gjerman, derisa në verë do të rikthehet në Parc de Princes.

Lexo po ashtu Mbappe regjistron markat e tij: Emrin me iniciale, festën e golit, por edhe dy fjali

Pas një udhëtimi intrigues nga akademia e famshme e Barcelonës, La Masia në PSV Eindhoven dhe tani RB Leipzig, lojtari holandez ka lulëzuar, duke shfaqur potencialin e tij të jashtëzakonshëm dhe duke nxitur emocione mes tifozëve të PSG-së për rikthimin e tij në verë.

Simons e filloi karrierën në akademinë e famshme të Barcelonës, La Masia, ku ai u përshëndet si një nga perspektivat më të ndritura të brezit të tij.

Pavarësisht se nuk luajti asnjëherë për ekipin e parë, reputacioni i tij i parapriu, me aftësinë, vizionin dhe dhuntinë e tij duke krahasuar me figura ikonike si Andres Iniesta dhe Lionel Messi.

Megjithatë, Simons zgjodhi të largohej nga Katalonia për në PSG në kërkim të mundësive më të mëdha, duke nënshkruar një marrëveshje fitimprurëse me gjigantët francezë.

20-vjeçari tani është i huazuar te Leipzig, ku në 31 ndeshje zyrtare ka shënuar tetë gola dhe ka asistuar në nëntë të tjerë duke ngritur vlerën e tij në 70 milionë euro. /Telegrafi/